10:54, 14 - اقپان 2021 | GMT +5
دۇكەنگە سوعىلعان كولىك بەس ادامنىڭ ءومىرىن قيىپ كەتتى
سينگاپۋر. قازاقپارات - سينگاپۋردىڭ ورتالىق بولىگىندەگى شاعىن دۇكەنگە كەپ سوعىلعان كولىك كەسىرىنەن بەس ادام قازا تاپتى، تاعى بىرەۋى زارداپ شەكتى، دەپ حابارلايدى قازاقپارات Straits Times اگەنتتىگىنە سىلتەمە جاساپ.
وقيعا 13- اقپان كۇنى تاڭەرتەڭ بولدى. «BMW» ماركالى اۆتوكولىك دۇكەن ورنالاسقان ءۇش قاباتتى عيماراتقا سوعىلعان.
كولىكتە بولعان بەس ادامنىڭ بارلىعى وقيعا ورنىندا كوز جۇمدى. تاعى ءبىر ادامدى كۇيىك شالعان.
ول اۋرۋحاناعا جەتكىزىلدى. اپاتتى انىقتاۋ جۇمىستارى ءجۇرىپ جاتىر.
