كيم چەن ىن ەلدىڭ ەكونوميكالىق ساتسىزدىكتەرى ءۇشىن شەنەۋنىكتەردى كىنالادى

نۇر-سۇلتان. قازاقپارات - سولتۇستىك كورەيا باسشىسى كيم چەن ىن ەلدىڭ ەكونوميكالىق ساتسىزدىكتەرى ءۇشىن شەنەۋنىكتەردى ايىپتادى.

كيم چەن ىن ەكونوميكالىق دامۋ بويىنشا جوعارى شەندى شەنەۋنىك كيم تۋ يردى جۇمىستان شىعاردى، - دەپ حابارلايدى Chron.

كورەيانىڭ ورتالىق تەلەگراف اگەنتتىگىنىڭ (KCNA) مالىمەتىنشە، كيم تۋ ير ءبىر اي بۇرىن قىزمەتكە تاعايىندالعان. كيم چەن ىن شەنەۋنىك ەكونوميكانىڭ قۇلدىراۋىندا تۇرعان ەلدى قۇتقارۋ ءۇشىن جاڭا يدەيالاردى ۇسىنا الماعانىن مالىمدەدى.

كەزدەسۋ بارىسىندا كيم مينيسترلەر كابينەتى ەكونوميكانى باسقاراتىن نەگىزگى مەكەمە ءرولىن اتقارا المايتىنىن ايتتى، ولار «يننوۆاتسيالىق كوزقاراس پەن ناقتى تاكتيكانى» كورسەتپەي، مۇمكىن ەمەس جوسپارلار جاساپ جاتقاندىعىن اتاپ ءوتتى.

«مينيسترلەر كابينەتى نەگىزگى ەكونوميكالىق ايماقتاردىڭ جوسپارلارىن قۇرۋدا جەتەكشى رول اتقارا المادى جانە مينيسترلىكتەر دايىنداعان سانداردى مەحانيكالىق تۇردە بىرىكتىردى»، - دەدى ول.

وڭتۇستىك كورەيانىڭ ۇلتتىق بارلاۋ اگەنتتىگىنىڭ مالىمەتىنشە، شەكارالاردىڭ جابىلۋى سولتۇستىك كورەيانىڭ ەكونوميكاسىن قولداۋدىڭ نەگىزگى كوزى بولىپ سانالاتىن قىتايمەن ساۋدا كولەمىنىڭ العاشقى 10 ايدا 75 پايىزعا تومەندەۋىنە اكەلدى. سونداي-اق، شيكىزاتتىڭ جەتىسپەۋشىلىگىنەن زاۋىتتارداعى ءوندىرىس 2011-جىلى كيم بيلىككە كەلگەننەن باستاپ ەڭ تومەنگى دەڭگەيگە دەيىن تومەندەدى، ال قانت سياقتى يمپورتتىق ونىمدەردىڭ باعاسى ءتورت ەسە وسكەن.