ءلاززات ەراليەۆا: كوروناۆيرۋس ۆاكسيناسى بەلسىزدىككە اكەلەدى دەگەن - بوس اڭگىمە

نۇر- سۇلتان. قازاقپارات - مەديتسينا عىلىمدارىنىڭ دوكتورى، پروفەسسور ءلاززات ەراليەۆا كوروناۆيرۋس ۆاكسيناسىنىڭ بەلسىزدىككە ۇشىراتاتىنى تۋرالى اڭگىمەنىڭ نەگىزسىز ەكەنىن مالىمدەدى، دەپ حابارلايدى قازاقپارات ءتىلشىسى.

«كەز كەلگەن ۆاكسينا قولدانىسقا ەنگىزىلمەي تۇرىپ، تەرەڭ زەرتتەلەدى. ماسەلەن، سپۋتنيك V ۆاكسيناسى قازاقستاندىق ەكپە سەكىلدى رەپرودۋكتيۆتى فۋنكتسياعا ەش اسەر ەتپەيدى. ەگەر QazCovid-in ۆاكسيناسى تۋرالى ايتار بولساق، جالپى مۇنداي ۆاكسينانىڭ ءبارى دە 80 -جىلدان بەرى پايدالانىلىپ كەلەدى. وسىلايشا، تۇماۋ نەمەسە باسقا دا اۋرۋلارعا قارسى ۆاكسينالار بەلگىلى ءبىر دارەجەدە جىنىستىق فۋنكسياعا اسەر ەتۋى مۇمكىن. ءبىراق ولار دا، كوروناۆيرۋسقا قارسى ۆاكسينا دا بەلسىزدىككە ۇشىراتپايدى»، - دەدى ءلاززات ەراليەۆا ورتالىق كوممۋنيكاتسيالار قىزمەتىنىڭ الاڭىندا ءوتىپ جاتقان باسپا ءسوز ءماسليحاتىندا.

ەسكە سالا كەتسەك، بۇعان دەيىن ەلدە ناۋرىزدان باستاپ ۆاكسيناتسياعا ارنالعان قوسىمشا ەكپە كابينەتتەرى اشىلاتىنى حابارلانعان بولاتىن. ياعني جالپىعا ورتاق ەكپە كابينەتتەرىندە كوروناۆيرۋسقا قارسى ۆاكسينا ەگىلمەيدى.

اۆتور: ايان بەكەن ۇلى