پايدالى قازبالار قورى ءوستى - ەكولوگيا مينيسترلىگى
بۇل تۋرالى ەكولوگيا، گەولوگيا جانە تابيعي رەسۋرستار مينيسترلىگىنىڭ القا ماجىلىسىندە وسى ۆەدومستۆونىڭ ۆيتسە- ءمينيسترى سەرىكقالي برەكەشيەۆ ءمالىم ەتتى، دەپ حابارلايدى قازاقپارات ءتىلشىسى.
«جەر قويناۋىن پايدالانۋشىلاردىڭ گەولوگيالىق بارلاۋ جۇمىستارىنىڭ ناتيجەسىندە 2020 -جىلى العاش رەت مەملەكەتتىك بالانسقا 20 كەن ورنى قويىلدى. سونىڭ ىشىندە قاتتى پايدالى قازبالار - 9، كومىرسۋتەك شيكىزاتى - 6، جەر استى سۋلارى - 5»، - دەدى ۆيتسە- مينيستر.
ول 2020 -جىلى پايدالى قازبالار قورىنىڭ وسكەنىن ءمالىم ەتتى. اتاپ ايتقاندا، 111,5 توننا التىن، 55,4 مىڭ توننا ۋران، 13,8 ميلليون توننا تەمىر كەنى جانە 31,7 ميلليون توننا مۇناي.
«جەر قويناۋىن جانە جەر قويناۋىن پايدالانۋ تۋرالى» كودەكستى ىسكە اسىرۋ ءۇشىن جەر قويناۋىن گەولوگيالىق زەرتتەۋگە 22 ليسەنزيا، سونداي- اق جەر قويناۋى كەڭەستىگىن پايدالانۋعا ەكى ليسەنزيا بەرىلدى»، - دەدى س. برەكەشيەۆ.
ونىڭ ايتۋىنشا، جەر قويناۋىنىڭ مەملەكەتتىك قورىن باسقارۋ باعدارلاماسىن قالىپتاستىرۋ بويىنشا جوسپارلى جۇمىستار جۇزەگە اسىرىلدى. قاتتى پايدالى قازبالاردى، كەڭ تارالعان قازبالاردى جانە كومىرسۋتەك شيكىزاتىن بارلاۋعا ءارى وندىرۋگە 597 نىسان ەنگىزىلگەن.
اۆتور: رۋسلان عابباسوۆ
