قازاقستاننىڭ وتاندىق ۆاكسيناسىنا شەتەلدەن سۇرانىس بار ما

نۇر- سۇلتان. قازاقپارات - QazCovid-in ۆاكسيناسىنا شەتەلدەن سۇرانىس بار ما؟ بۇل سۇراققا مەديتسينا عىلىمدارىنىڭ دوكتورى، پروفەسسور، ق ر دەنساۋلىق ساقتاۋ مينيسترلىگىنىڭ حالىقتى يممۋنداۋ جونىندەگى ۇلتتىق كونسۋلتاتيۆتىك كوميسسيانىڭ مۇشەسى جانات ساتىبالديەۆا جاۋاپ بەردى، دەپ حابارلايدى قازاقپارات ءتىلشىسى.

«قازىرگى ۋاقىتتا QazCovid-in ۆاكسيناسى سىناقتىڭ ءۇشىنشى كەزەڭىنەن ءوتىپ جاتىر. مەنىڭ بىلۋىمشە، ازىرگە وتاندىق ۆاكسينانى شەتەلگە شىعارۋ ماسەلەسى قارالىپ جاتقان جوق. سەبەبى ەڭ ءبىرىنشى كەزەكتە بۇل ۆاكسينا قازاقستان حالقىنىڭ پايداسىنا جاراۋى كەرەك. ءوندىرۋشىنىڭ ءوندىرىس قۋاتىن البەتتە، ۇلعايتۋ كەرەك. ەڭ الدىمەن وتاندىق ۆاكسينا حالىققا سالىنادى. بىلۋىمشە، شەتەلدەن وتاندىق ۆاكسينانى ساتىپ الۋ تۋرالى ءوتىنىم كەلمەگەن»، - دەدى جانات ساتىبالديەۆا ورتالىق كوممۋنيكاتسيالار قىزمەتىنىڭ الاڭىندا ءوتىپ جاتقان باسپا ءسوز ءماسليحاتىندا.

ايتا كەتسەك QazCovid-in ۆاكسيناسى بولجام بويىنشا وسى جىلدىڭ ناۋرىز ايىنان باستاپ سالىنادى.

ەسكە سالا كەتسەك، بۇعان دەيىن مەديتسينا عىلىمدارىنىڭ دوكتورى، پروفەسسور ءلاززات ەراليەۆا ۆاكسينا جايلى شىندىقتى بىلگىسى كەلگەندەر ساراپشىلارعا قۇلاق اسۋى كەرەكتىگىن ءمالىم ەتكەن ەدى.

اۆتور: ايان بەكەن ۇلى