قىتاي حالقى جاڭا جىل مەرەكەسىن اتاپ وتۋدە
داستۇرگە سايكەس، قىتاي جاڭا جىلىن مەرەكەلەۋگە دايىندىقتى ءبىر اپتا بۇرىن «كىشى جاڭا جىل» دەپ اتالاتىن ۋاقىتتان باستايدى، ال مەرەكەنىڭ الدىنداعى ءىس- شارالار تىزبەگى قاتاڭ تۇردە كۇندەر بويىنشا جوسپارلانعان. الايدا قازىر ق ح ر ازاماتتارى بۇل ءتارتىپتى ۇستانبايدى. تەك «چۋنجە» مەرەكەسىنە دەيىن ءۇيدى تازالاپ، جيناپ، ءوتىپ بارا جاتقان جىلدىڭ ساتسىزدىگىمەن بايلانىستى بارلىق «قوقىستاردان» قۇتىلۋدى ادەتكە اينالدىرعان.
ەرەسەكتەر بالالارمەن بىرگە تەرەزەلەرگە ىلىنگەن قىزىل قاعاز ورنەكتەرىن قيىپ، ۇيگە كىرەبەرىس ورىندى شامدارمەن بەزەندىرەدى، جاڭا جىلدىق تىلەكتەرى جازىلعان قاعازداردى ءۇيدىڭ ەسىكتەرىنە ءىلىپ قويادى. بيىل كوروناۆيرۋسقا بايلانىستى بەيجىڭ اكىمشىلىگى ەل استاناسىنىڭ تۇرعىندارىن جاڭا جىلدىق مەرەكەلەر كەزىندە مەيرامحانالارعا بارۋدان اۋلاق بولۋعا شاقىردى.
قىتاي استاناسىنىڭ تۇرعىندارى مەن قوناقتارى ءۇشىن دەمالىس اپتاسى كەزىندە ساياباقتارعا، حايۋاناتتار باعىنا جانە باسقا دا اشىق تۋريستىك ورىندارعا كىرۋ تەگىن، سونداي-اق بەيجىڭنىڭ قالا ماڭىنداعى اۋداندارىنا جوعارى جىلدامدىقتى تاس جولدارمەن تەگىن جول ءجۇرۋ جۇيەسى ەنگىزىلگەن. ءداستۇر بويىنشا، قىتاي جاڭا جىلى باستالعاننان كەيىنگى العاشقى ءۇش كۇندە ادامدار باسىن جۋىپ، شاشىن قيىپ تاستاي المايدى، ويتكەنى بۇل «بايلىقتىڭ جوعالۋىن» بىلدىرەدى، سونىمەن قاتار ءدال وسىنداي سەبەپتەرمەن پاتەردى تازالاماۋ كەرەك.
ەسكە سالا كەتەيىك، اي كۇنتىزبەسى بويىنشا جاڭا جىل 12-اقپاندا كەلدى. قىتايدا جاڭا جىلدى تويلاۋ ەكى اپتاعا سوزىلادى جانە شامدار مەرەكەسىمەن («يۋانسياتسزە» ) اياقتالادى.
اۆتورى: رۋسلان سۇلەيمەنوۆ
