جاستار كوللەدجدەردە تەگىن وقىتۋمەن قامتاماسىز ەتىلەدى - ۇكىمەت باسشىسى

نۇر-سۇلتان. قازاقپارات - جاستار سۇرانىسقا يە ماماندىقتار بويىنشا كوللەدجدەردە تەگىن وقىتۋمەن قامتاماسىز ەتىلەدى.

بۇل تۋرالى ماجىلىستە «Nur Otan» پارتياسىنىڭ سايلاۋ الدىنداعى مىندەتتەمەلەرىن ىسكە اسىرۋعا ارنالعان تالقىلاۋ كەزىندە پرەمەر- مينيستر اسقار مامين ءمالىم ەتتى، دەپ حابارلايدى قازاقپارات ءتىلشىسى.

«جاستاردىڭ الەۋەتىن ىسكە اسىرۋ ماقساتىندا ولاردىڭ ءبىلىم الۋى، جۇمىس ىستەپ، باسپانالى بولۋى ءۇشىن، سونداي-اق ەلدىڭ قوعامدىق- ساياسي ومىرىنە ارالاسۋى ءۇشىن جاعداي جاسالاتىن بولادى»، - دەدى ا. مامين.

وسى ورايدا ول كوللەدجدەردە تەگىن وقىتۋ مۇمكىندىگى تۋرالى ايتتى.

«جاستار سۇرانىسقا يە ماماندىقتار بويىنشا كوللەدجدەردە تەگىن وقىتۋمەن قامتاماسىز ەتىلەدى. بيىل تەگىن وقۋ مۇمكىندىگى 20 مىڭ ادامعا بەرىلەدى، كەيىن جىل سايىن كۆوتا ۇلعايتىلىپ، 2025 -جىلى 50 مىڭعا جەتكىزىلەدى»، - دەدى ۇكىمەت باسشىسى.

اۆتور: رۋسلان عابباسوۆ