اقمولا وبلىسىندا ەپيدەميولوگيالىق جاعداي ءالى دە كۇردەلى - ەرمەك مارجىقپايەۆ

كوكشەتاۋ. قازاقپارات - اقمولا وبلىسىندا ەپيدەميولوگيالىق جاعداي ءالى دە كۇردەلى.

بۇل تۋرالى ايماق باسشىسى ەرمەك مارجىقپايەۆ ونلاي رەجيمدە ءوتىپ جاتقان ءوڭىردىڭ الەۋمەتتىك- ەكونوميكالىق دامۋىنىڭ قورىتىندىسى تۋرالى ەسەپ بەرۋ كەزدەسۋىندە ايتتى، دەپ حابارلايدى قازاقپارات ءتىلشىسى.

«وتكەن جىل ءبارىمىز ءۇشىن وڭاي بولعان جوق، بۇل ەڭ الدىمەن كوروناۆيرۋس ينفەكسياسىنا بايلانىستى. بۇگىنگى تاڭدا وبلىستاعى ەپيدەميولوگيالىق جاعداي ءالى دە كۇردەلى. ءبىز «قىزىل ايماقتا» تۇرمىز»، - دەدى ەرمەك مارجىقپايەۆ.

ايماق باسشىسى اتاپ وتكەندەي، وڭىردە كوروناۆيرۋس ينفەكسياسىمەن كۇرەسۋ ءۇشىن قاجەتتى ءدارى- دارمەك پەن مەديتسينالىق پرەپاراتتاردىڭ ەكى ايلىق قورى جەدەل تولىقتىرىلۋدا. «ينفەكسيانىڭ تارالۋىن بولدىرماۋ باعىتىندا شەكتەۋ شارالارى قابىلداندى. كارانتين رەجيمى كۇشەيدى. ينفەكسيالىق ستاتسيونارلارداعى توسەك ورىندار سانى ۇلعايتىلدى، رەانيماتسيالىق پالاتالار بارلىق قاجەتتىلىكتەرمەن جابدىقتالعان. ءدارى- دارمەكتىڭ ەكى ايلىق قورى جەدەل تولىقتىرىلۋدا. وبلىستا «سپۋتنيك V» ۆاكسيناسىمەن كەزەڭ- كەزەڭمەن ۆاكسينالاۋ باستالدى. (بۇگىنگى كۇنى 690 ادامعا ۆاكسينا ەگىلدى). جالپى، ەپيدەميولوگيالىق جاعداي باقىلاۋدا»، - دەدى ەرمەك مارجىقپايەۆ.

ايتا كەتەيىك، ءبىر اپتا ىشىندە وڭىردە كوروناۆيرۋس ينفەكسياسىنا شالدىققاندار سانى ورتاشا 1,1 پايىزعا (934 جاعداي) ءوسىپ وتىر. ال، سوڭعى تاۋلىكتە بۇل كورسەتكىش 0,8 پايىزعا ارتتى نەمەسە 95 جاعداي تىركەلىپ وتىر. قازىرگى كەزدە، ستاتسيونارلاردا 611 ادام ەم الۋدا، ونىڭ ىشىندە 21 ادام اۋىر حالدە (1 - وكپەنى جەلدەتۋ اپپاراتىنا قوسىلعان).