فۋتبولدان قازاقستان سۋپەركۋبوگى تۇركىستان قالاسىندا وتەدى

نۇر-سۇلتان. قازاقپارات - فۋتبولدان قازاقستان سۋپەركۋبوگى تۇركىستان قالاسىندا وتەدى دەپ جوسپارلانىپ وتىر.

بۇل جونىندە قازاقپارات ءتىلشىسى قازاقستان كاسىپقوي فۋتبول ليگاسىنا سىلتەمە جاساپ حابارلايدى.

بيىل سۋپەركۋبوك ويىندارى جاڭا فورماتتا وتكىزىلەدى. وعان بارلىعى ءتورت كوماندا قاتىسادى.

وتكەن جىلعى ەل چەمپيونى الماتىنىڭ «قايراتى»، ەكىنشى جانە ءۇشىنشى ورىن العان قوستانايدىڭ «توبىلى» مەن ەلوردانىڭ «استانا» كوماندالارى اتالعان تۋرنيردە باق سىنايدى.

بىلتىر قازاقستان كۋبوگىنىڭ جەڭىمپازى انىقتالماۋىنا بايلانىستى بۇل ورىن ءتورتىنشى ورىنعا يە بولعان قاراعاندىنىڭ «شاحتەرىنە» بۇيىردى.

اتالعان تۋرنيردىڭ جۇلدە قورى 40 ميلليون تەڭگەنى قۇرايدى. ول جەڭىمپاز جانە جۇلدەلى ورىندارعا قول جەتكىزگەن كوماندالارعا بەرىلەدى. سۋپەركۋبوكتىڭ جارتىلاي فينال ويىندارى 2- جانە 3- ناۋرىز كۇندەرى وتكىزىلەدى. ال 5- ناۋرىزدا ءۇشىنشى ورىن يەگەرى انىقتالسا، فينال 6- ناۋرىزعا بەلگىلەنگەن.

تۋرنيردىڭ جارتىلاي فينال كەزەڭىنىڭ جەرەبە تارتۋ ءراسىمى 15- اقپاندا ەلوردا ۋاقىتىمەن ساعات 14.00 دە وتەدى.

ەستەرىڭىزگە سالا كەتەلىك، بۇدان بۇرىن قازاقستان فۋتبول فەدەراتسياسىنىڭ باسپا ءسوز حاتشىسى تاعايىندالعانىن حابارلاعان ەدىك.