الەمدەگى ەڭ بيىك عيمارات بالاما ەنەرگياعا كوشتى
الەمدەگى ەڭ بيىك مۇنارانىڭ ءبىرى - 103 قاباتتىق Empire State Building ءزاۋلىم عيماراتى مەن وعان جاپسارلاس بيزنەس- عيماراتتاردىڭ ءبارى ەندى جەل ەنەرگياسىنىڭ قۋاتىمەن جارىقتاندىرىلادى.
نيۋ- يورك پەن كوننەكتيكۋت شتاتىنىڭ بيلىك عيماراتتارى بالاما ەنەرگيا كوزىمەن اينالىساتىن ەكى كومپانيامەن ءۇش جىلدىق كەلىسىمشارتقا وتىردى. ەنەرگيا تاسىمالداۋشى كومپانيالار عيماراتتىڭ قۋات تۇتىنىسىن قاناعاتتاندىرۋ ءۇشىن 300 ميلليون كيلوۆاتت/ساعات بالاما ەنەرگيا توگىن تارتاتىن بولدى. ول عيماراتتى تولىق جارىقتاندىرۋعا جەتەدى.
عيمارات اكىمشىلىگىنىڭ ەسەپتەۋىنشە، بالاما ەنەرگياعا كوشۋ ارقىلى اۋاعا تارالاتىن كومىرقىشقىل گازىن 204 مىڭ تونناعا دەيىن ازايتۋعا بولادى. ال بۇل - نيۋ- يوركتەگى تاكسي كولىكتەرىنىڭ ءبىر جىلدا اۋاعا شىعاراتىن زياندى قالدىعى ەكەن. قالاداعى ءۇي مەن پاتەردىڭ بارلىعى 1 ايعا جارىعىن ءوشىرىپ تاستاسا، وسىنشا كولەمدەگى گازدى ۇنەمدەپ قالۋعا بولادى.
ايتا كەتكەنىمىز ءجون، جەر بەتىندەگى ءىرى عيماراتتار مەن كەڭسەلەر اقىرىنداپ «جاسىل ەنەرگياعا» كوشۋدى تەندەنتسياعا اينالدىردى. بۇعان دەيىن باحرەين ەلىندەگى باحرەين دۇنيەجۇزىلىك ساۋدا ورتالىعى، قىتايداعى شانحاي مۇناراسى، ا ق ش- تاعى Apple Park شتاب- پاتەرى، سينگاپۋردەگى بيىك قوناق ءۇي، نيدەرلاندىداعى بانك كەڭسەسى بالاما ەنەرگيا كوزىنە ءوتتى.
ەندى بۇل كوشكە قۇرىلىس سالاسىنداعى ءىرى كومپانيالاردىڭ ءبىرى - Empire State Realty Trust دە قوسىلىپ، «جاسىل ەنەرگياعا» اۋىستى.
massaget.kz
