ەلىمىزدە ەكىنشى نارىقتاعى ءۇيدىڭ باعاسى قىمباتتادى

نۇر-سۇلتان. قازاقپارات - ۇلتتىق ستاتيستيكا بيۋروسىنىڭ مالىمەتى بويىنشا قازىر ەلدە باسپانانىڭ ءبىر شارشى مەترىنىڭ باعاسى - 244 مىڭ تەڭگەنىڭ شاماسىندا، دەپ حابارلايدى «حابار 24».

بۇل 2020 -جىلدىڭ قاڭتارىمەن سالىستىرعاندا 17,9 پروتسەنتكە كوپ. باعانىڭ شارىقتاۋى باتىس قازاقستان وبلىسىندا تىركەلدى. ورالدا جىلجىمايتىن مۇلىك وتكەن ايدا 32، ال ءبىر جىلدا 65 پروتسەنتكە قىمباتتاعان. تۇركىستاندا دا باعا 20 پروتسەنتكە وسكەن. ەل استاناسىندا ەكىنشى نارىقتاعى ءۇيدىڭ باعاسى ءبىر ايدا 10,4، ال ءبىر جىلدا 23,2 پروتسەنتكە كوتەرىلگەن. ال الماتى مەن شىمكەنت قالالارىندا باسپانا قاڭتارمەن سالىستىرعاندا شامامەن 3 پروتسەنتكە قىمباتتاعان.