ب ج ز ق سالىمشىلارعا كۇدىك تۋدىراتىن بەيتانىس سايتتارعا وتپەۋدى سۇرايدى
نۇر- سۇلتان. قازاقپارا – ب ج ز ق سالىمشىلارى الاياقتاردىڭ فيشينگ شابۋىلدارعا ۇشىرادى، دەپ حابارلايدى قازاقپارات قوردىڭ باسپا ءسوز قىزمەتىنە سىلتەمە جاساپ.
«ب ج ز ق سالىمشىلارى الاياقتاردىڭ فيشينگ شابۋىلدارعا ۇشىراعانى تۋرالى حابارلاي باستادى. الاياقتار جىبەرەتىن حاتتاردا بەلسەندىلىگى كۇدىك تۋدىراتىن سايتتارعا سىلتەمە تىركەلىپ، زەينەتاقى جيناقتارىن ماقساتتى پايدالانۋعا رۇقسات بەرىلگەندىگى ايتىلادى. ب ج ز ق «زەينەتاقى جيناقتارىنىڭ ءبىر بولىگىن «قازاقستاننىڭ تۇرعىن ءۇي قۇرىلىس جيناق بانكى» ا ق- داعى (قازىرگى «وتباسى بانكى» اق) ارنايى شوتقا اۋدارۋ تۋرالى» دەگەن مازمۇنعا يە جىبەرىلىمدەر جاسامايتىنىن رەسمي تۇردە مالىمدەيدى»، دەلىنگەن حابارلامادا.
قور بەيتانىس سايتتارعا كۇدىكتى سىلتەمەلەر بويىنشا وتپەۋ تۋرالى ۇسىنىم جاساپ، قاتاڭ ەسكەرتەدى.
«اقپاراتتى تەك ب ج ز ق- نىڭ رەسمي سايتىندا جانە ۋاكىلەتتى وپەراتورلار بولىپ ەسەپتەلەتىن بانكتەردىڭ ينتەرنەت رەسۋرستارىندا تەكسەرۋ قاجەت. ايتا كەتەرلىگى، فيشينگ - پايدالانۋشىلاردىڭ قۇپيا دەرەكتەرى — لوگين مەن پارولگە قول جەتكىزۋ ءۇشىن جاسالاتىن ينتەرنەت الاياقتىڭ ءبىر ءتۇرى.
