قاراعاندىدا وندىرىلگەن ۆاكسينا قاشان قولجەتىمدى بولادى
«قاراعاندى فارماتسيەۆتيكالىق كەشەنى بازاسىندا وندىرىلەتىن «سپۋتنيك V» ۆاكسيناسى شامامەن وسى جىلدىڭ اقپان ايىنىڭ سوڭىندا قولجەتىمدى بولادى. العاشقى جەتكىزىلىمنىڭ بولجامدى كولەمى 90 مىڭ دوزانى قۇرايدى. سودان كەيىن وسى جىلدىڭ شىلدە ايىنا دەيىن 2 ميلليون دوزا وندىرىلەدى. قاراعاندى فارماتسەۆتيكالىق كەشەنى بازاسىندا شىعارىلاتىن «سپۋتنيك V» ۆاكسيناسىنىڭ كوممەرتسيالىق توپتاماسىن شىعارۋ 2021 -جىلدىڭ 25 اقپانىندا 90 مىڭ دوزا مولشەرىندە بولادى دەپ كۇتىلەدى»، - دەلىنگەن اتالعان مينيسترلىكتىڭ تاراتقان اقپاراتىندا.
ەستەرىڭىزگە سالا كەتسەك، كەشە ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا ق ر دەنساۋلىق ساقتاۋ ءمينيسترى الەكسەي تسويعا قازاقستاندا شىعارىلاتىن «سپۋتنيك V» ۆاكسيناسىنا قاتىستى ساۋال قويىلىپ، ول جاۋابىن جازباشا بەرۋگە ۋادە ەتكەن ەدى.
