ازەربايجانعا كوروناۆيرۋستىڭ جاڭا شتامى ەنۋى مۇمكىن
وسىعان بايلانىستى «TƏBIB» جاڭا شتامنىڭ تارالۋىن بولدىرماۋ ءۇشىن ۆاكسيناتسيا ماسەلەسىنە بايىپتى كوزقاراس قاجەت دەپ سانايدى.
بىرلەستىك قىزمەتكەرلەرى ۆاكسينانىڭ اعزاداعى ەكىنشى دوزاسىنان كەيىن وسى ۆيرۋسقا قارسى
تۇرۋ %60-%90 ارالىعىندا ارتۋى ءتيىس ەكەنىن، الايدا ۆاكسينا العانداردىڭ بوساڭسىماۋى قاجەت ەكەنىن ايتادى. ويتكەنى ۆاكسينانى ۆيرۋستان قورعاۋ اسەرىنىڭ ۇزاقتىعى ءالى دە انىق ەمەس.
بۇل رەتتە، «TƏBIB» باعالاۋى بويىنشا، ۆاكسينا ادامدى 1-2 جىلعا قورعاۋى كەرەك.
سونىمەن قاتار ۆاكسينا العاننان كەيىن «Covid-19» قايتا جۇقتىرۋ مۇمكىندىگى تۋرالى، سونداي-اق ۆاكسينا كوروناۆيرۋستان تولىق قورعاي ما دەگەن سۇراققا «TƏBIB» مىنانى مالىمدەدى: «ۆاكسينا ەكىنشى دوزا ەنگىزىلگەننەن كەيىن 2 اپتادان كەيىن ءوز اسەرىن كورسەتەدى. سودان كەيىن عانا قانداعى انتيدەنەلەردىڭ بار-جوعىن انىقتاۋعا بولادى، ءبىراق بۇل فاكت ادامنىڭ يممۋنيتەتىنە بايلانىستى. ۆاكسينالاردى زەرتتەۋ ناتيجەلەرى ءارتۇرلى. تۇركياداعى «CoronaVac» ۆاكسيناسىن زەرتتەۋ ونىڭ تيىمدىلىگى %92 عا تەڭ ەكەنىن كورسەتتى، برازيليالىق زەرتتەۋلەر بويىنشا ۆاكسينا %100 عا قورعايدى».
ەسكە سالايىق، ازەربايجاندا 18-قاڭتاردا حالىقتى جاڭا SARS- CoV-2 كوروناۆيرۋسىنا قارسى ەگۋ باستالدى. مەديتسينا قىزمەتكەرلەرى «ازەربايجان رەسپۋبليكاسىندا COVID-19-عا قارسى 2021-2022 -جىلدارعا ارنالعان ۆاكسيناتسيا ستراتەگياسىنا» سايكەس العاشقى ۆاكسينانى الدى. ءارى قاراي حالىقتىڭ قالعان بولىگى ەگىلەدى. 18 جاسقا تولماعان، جۇكتى جانە اللەرگياسى بار ادامدار ازىرگە ەگىلمەيدى.
ۆاكسينا قىتايلىق «Sinovac» كومپانياسىنىڭ «CoronaVac» ۆاكسيناسىن قولدانۋ ارقىلى جۇزەگە اسىرىلادى. جالپى، وتكەن تاۋلىكتە ءار- دا كوروناۆيرۋس جۇقتىرۋدىڭ 147 جاڭا جاعدايى انىقتالدى، 236 ادام ەمدەلدى، 4 ادام قايتىس بولدى. ەل بويىنشا كوروناۆيرۋس ينفەكسياسىن جۇقتىرۋدىڭ 231509 فاكتىسى تىركەلدى، بۇگىنگى كۇنى COVID-19 ۆيرۋسىنا 2470980 تەست وتكىزىلدى.
اۆتورى: سەرىكبول قوشماعانبەتوۆ
