عالىمدار كوروناۆيرۋستىڭ كەلەسى تولقىنى قاشان بولاتىنىن بولجادى
زەرتتەۋ ناتيجەسى medRxiv سەرۆەرىندە جاريالاندى، - دەپ حابارلايدى ر ي ا نوۆوستي.
عالىمداردىڭ بولجامى بويىنشا، پاندەميانىڭ كەلەسى تولقىنى جاز مەزگىلىنىڭ باسىندا بولادى جانە ول جاڭا، تەز جۇعاتىن SARS- CoV-2 ۆيرۋسىنىڭ شتامىمەن بايلانىستى، ال ۆاكتسينالاردىڭ تيىمدىلىگى - نەگىزگى فاكتور.
بولجام اۆتورلارىنىڭ سوزىنشە، SARS- CoV-2 جاقسى زەرتتەلگەنىنە قاراماستان، جاڭا شتامداردىڭ جۇقپالىعىن ءارتۇرلى باعالاۋ جانە ولارعا قارسى ۆاكتسينالاردىڭ تيىمدىلىگى بويىنشا دەرەكتەردىڭ بولماۋىنا بايلانىستى الداعى تولقىنداردىڭ مەرزىمى مەن قارقىنى قانداي بولارى بەلگىسىز.
سوعان قاراماستان، مودەلدەۋ ناتيجەلەرى بارلىق سەناريدە ادام ءولىمىن ەداۋىر تومەندەتەتىن نەگىزگى فاكتور ۆاكتسيناتسيا جانە وقشاۋلاۋ رەجيمىن ەرتەرەك ەنگىزۋ ەكەنىن كورسەتتى.
عالىمدار ۆاكتسيناتسيانى قولدانۋ كەزىندە تۋىندايتىن قيىندىقتاردى بولەك تالدادى. سىناق ايماعى رەتىندە ولار ۆاشينگتون شتاتىنىڭ كينگ وكرۋگىن الىپ، ءتۇرلى سەناريدى مودەلدەدى، مىسالى حالىقتىڭ ۆاكتسيناتسيا دەڭگەيى، ۆاكتسينالاردىڭ تيىمدىلىگى جانە وقشاۋلاۋ شارالارىن ەنگىزۋ جانە جەڭىلدەتۋ ءۇشىن شەكتى ماندەر.
نەگىزگى مىندەت اينىمالىلاردىڭ قايسى ينفەكتسيا مەن ءولىم دەڭگەيىنە ايتارلىقتاي اسەر ەتەتىنىن انىقتاۋ جانە وقشاۋلاۋدىڭ وڭتايلى ۋاقىتىن ەسەپتەۋ بولدى. زەرتتەۋشىلەر ولاردىڭ مودەلى باسقا شتاتتاردا نەمەسە اۋرۋ دەڭگەيى تومەن نەمەسە جوعارى ايماقتاردا جانە ءارتۇرلى ۆاكتسيناتسيا باعدارلامالارىندا جۇمىس ىستەيتىنىن اتاپ ءوتتى.
بارلىق سەناريگە سايكەس، جازدىڭ باسىندا ۆيرۋستىڭ جاڭا، جۇقپالى تۇرلەرى باسىم بولادى. سونىمەن قاتار، ءولىم-ءجىتىم، اۋرۋحاناعا جاتقىزۋ جانە جاعدايلاردىڭ جالپى سانى بىلتىرمەن سالىستىرعاندا تومەن بولادى (بيلىك ۋاقىتىندا شەكتەۋ ەنگىزگەن جاعدايدا).
ماسەلە حالىقتىڭ ۆاكتسيناتسيا دەڭگەيىنە جانە ۆاكتسينالاردىڭ تيىمدىلىگىنە بايلانىستى بولادى.
«ۆاكتسينالاردىڭ جاڭا، جۇقپالى نۇسقالارعا قارسى جوعارى تيىمدىلىگى، اتاپ ايتقاندا، سيمپتومداردىڭ الدىن-الۋدىڭ ورنىنا، ولاردىڭ ۇزدىكسىز بەرىلۋىنە توسقاۋىل قويۋ مۇمكىندىگى مىڭداعان ينفەكتسيانىڭ الدىن الىپ، جۇزدەگەن ادامنىڭ ءومىرىن ساقتاپ قالۋى مۇمكىن»، - دەيدى زەرتتەۋشىلەر.
