ساراپشى گولوۆكيننەن كەيىنگى ەڭ مىقتى قازاقستاندىق بوكسشىنى اتادى
Vesti.kz تىلشىسىنە بەرگەن سۇحباتىندا WorldBoxingNews رەداكتورى فيل دجەي وسىنداي پىكىر ءبىلدىردى. ول وليمپيادا چەمپيونىن گەننادي گولوۆكيننىڭ (41-1-1، 36 ك و) ءىزىن قۋعان ەڭ مىقتى بوكسشىنىڭ ءبىرى، - دەپ اتادى.
«ءدال قازىر ەلەۋسىنوۆ ءوز ديۆيزيونىندا كەز كەلگەن بوكسشىمەن جەكپە-جەككە دايىن. توپ-10 تىزىمدەگى ەليتالى بوكسشىلار عانا باسقا اڭگىمە. قالعاندارىن قازاقستاندىق جەڭە الادى. يندونگونى جەڭىپ، ول كارەراسىنداعى جاڭا كەزەڭگە ءوتتى. ول يكەمدى، ءارى جان-جاقتى بولىپ كەلەدى. دانيار اقىلمەن جۇدىرىقتاساتىن، ەندى سوققىسىنا كۇش قوسىلدى. قازاقستاندىق كوپ دۇنيە ۇيرەندى. مەنىڭشە، ول گولوۆكين ىزىنەن ەرگەندەر اراسىندا بولاشاعى وتە زور بوكسشى. ونىڭ ۇستىنە ەددي حيرن ەڭ مىقتىلاردى عانا تاڭدايدى. ەڭ مىقتى پروموۋتەر جانە تاماشا كوماندامەن جەتىستىكتەر كوپ كۇتتىرمەيدى»، - دەيدى دجەي.
ەسكە سالايىق، قازاقستاندىق بوكسشى بىلتىر قاراشادا ناميبيالىق دجۋليۋس يندونگونى (23-3، 12 ك و) ەكىنشى راۋندتا نوكاۋتقا ءتۇسىرىپ، جارتىلاي ورتا سالماقتا IBF Inter- Continental تيتۋلىن جەڭىپ العان.
