شارۋا قوجالىعىنان تابىلعان ارىستان ارنايى جەرگە ورنالاستىرىلدى
بۇل تۋرالى قازاقپارات حالىقارالىق قار بارىسى قورىنا (Snow Leopard Foundation) سىلتەمە جاساپ حابارلايدى.
«قوردىڭ قولداۋىمەن تاياۋدا عانا سيمبا اتتى ارىستانعا ارنالىپ قاۋمال سالىنعان بولاتىن. الايدا ول قاۋمال ەكى ارىستانعا عانا ەسەپتەلگەن. شارۋا قوجالىقتان تابىلعان ارىستان سيمبانىڭ قاۋمالىنا ورنالاستىرىلدى»، - دەلىنگەن قوردىڭ جەلىدەگى رەسمي پاراقشاسىندا.
قاۋمال حالىقارالىق ستاندارتتارعا سايكەس سالىنعان. تيىسىنشە جىپ-جىلى ءارى تىپ-تىنىش ورىن ەكى ارىستاننىڭ بولەك-بولەك تىرشىلىك ەتۋىنە مۇمكىندىك بەرەدى. ەگەر الماتىلىق ارىستاننىڭ مەديتسينالىق اناليزى دۇرىس بولىپ شىقسا، جۋىق ارادا سيمبانىڭ ۋاقىتشا «كورشىسى» بولادى.
«قاۋمال تاعى ءبىر اڭدى قۇتقارىپ قالسا - ءبىزدىڭ ماقساتىمىزدىڭ ورىندالعانى. جابايى اڭنىڭ ويىنشىق ەمەس ەكەنىن ەسكە سالا كەتكىمىز كەلەدى. ولاردىڭ ءوز ەرەكشەلىكتەرى مەن قاجەتتىلىكتەرى بار»، - دەيدى قور.
ەسكە سالا كەتسەك بۇعان دەيىن الماتى وبلىسىندا شارۋا قوجالىعى يەسىنىڭ ارىستان اسىراپ جاتقانى انىقتالعان بولاتىن. الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 8- اقپان كۇنى تالعار اۋدانىنىڭ پوليتسيا باسقارماسىنا حابارلاما كەلىپ تۇسكەن.
ول جەردە بەسقاينار اۋدانىنداعى شارۋا قوجالىقتىڭ بىرىندە ارىستان بار ەكەنى حابارلانعان. ءتارتىپ ساقشىلارى شاعىم بويىنشا بەلگىلەنگەن مەكەنجايدى تەكسەرۋگە بارعاندا اقپارات راستالعان.
