زەينەتاقى جيناعى: يپوتەكاسىز تۇرعىن ءۇي ساتىپ الۋ كەزىندە قانداي قۇجاتتار قاجەت؟
بۇل تۋرالى قازاقپارات وتباسى بانكىنىڭ جەلىدەگى پاراقشاسىنا سىلتەمە جاساپ حابارلايدى.
45 كۇننىڭ ىشىندە ساتۋشىمەن بىرگە حالىققا قىزمەت كورسەتۋ ورتالىعىنا نەمەسە نوتاريۋسقا بارىپ ساتىپ الۋ - ساتۋ كەلىسىم شارتىن راسىمدەپ، قاراجاتتىڭ ماقساتتى قولدانىلاتىنىن راستاۋ ءۇشىن كەلەسى قۇجاتتاردى enpf-otbasy.kz ونلاين پلاتفورماسىنا PDF فورماتىندا جۇكتەۋ قاجەت:
1. ۋاكىلەتتى ورگان تىركەگەن تۇرعىن ءۇيدى ساتىپ الۋ- ساتۋ شارتى.
2. مەملەكەتتىك تىركەۋ تۋرالى انىقتاما. (ساتىپ الۋ-ساتۋ شارتىن تىركەگەن مەكەمەدەن الىنادى ح ق ك و نەمەسە نوتاريۋس)
3. جىلجىمايتىن مۇلىككە تىركەلگەن قۇقىقتار تۋرالى جانە ونىڭ تەحنيكالىق سيپاتتامالارى تۋرالى انىقتاما (egov.kz - ارقىلى الۋعا بولادى) 1 جانە 2 قۇجاتتاردى ءبىر PDF فايلعا جۇكتەۋ كەرەك.
ەگەر ءسىزدىڭ سكانەر PDF فورماتىنداعى قۇجات جاساي الماسا، وندا www.ilovepdf.com سايتى ارقىلى كەز كەلگەن JPEG، PNG نەمەسە باسقا فورماتتاعى قۇجاتتى PDF - كە تەگىن اۋىستىرا الاسىز.
قۇجاتتاردى جۇكتەگەن سوڭ قاراجاتتى ساتۋشىعا اۋدارۋ تۋرالى وتىنىشكە ە ت س ق كومەگىمەن قول قويىڭىز. 10 جۇمىس كۇنى ىشىندە قاراجات ساتىپ الۋ - ساتۋ كەلىسىم شارتىندا كورسەتىلگەن دەرەكتەمەلەر بويىنشا ساتۋشىنىڭ شوتىنا تۇسەتىن بولادى.
ەسكە سالساق، بۇعان دەيىن اتالعان پلاتفورمادا پاتەر ساتىپ الۋ نەمەسە زايمدى وتەۋگە ارنالعان قۇجاتتاردى جۇكتەگەنگە دەيىن بىررەتتىك زەينەتاقى تولەمىن العان سوڭ وعان تۋىسىڭىز بەرگەن قاراجاتتى قوسۋ مۇمكىندىگى بەرىلگەن ەدى.
2021-جىلى 2- قاڭتاردا ق ر پرەزيدەنتى قاسىم-جومارت توقايەۆ زەينەتاقى جيناعىنىڭ ءبىر بولىگىن ماقساتتى پايدالانۋعا قاتىستى زاڭعا قول قويدى. قازاقستاندىقتاردىڭ زەينەتاقى جيناقتارىن پايدالانۋ ءۇشىن جاڭارتىلعان «جەتكىلىكتىلىك شەگى» جاريالاندى. زەينەتاقى جيناعىنان الۋعا بولاتىن سوما ب ج ز ق سايتىندا اۆتوماتتى تۇردە كورسەتىلەدى.
23- قاڭتاردان قازاقستاندا زەينەتاقىنىڭ ءبىر بولىگىن الۋعا ءوتىنىم قابىلداۋ باستالدى. ارنايى پورتالدا زەينەتاقىنىڭ ءبىر بولىگىن الۋعا ءوتىنىم قابىلداۋ باستالعالى ءۇش ساعاتتىڭ ىشىندە 4 مىڭنان استام ادام ءوتىنىش بەردى.
