ەلوردادا قىلمىسكەر بوس سەيفتى ۇرلاپ كەتكەن

نۇر- سۇلتان. قازاقپارات - ەلوردادا جيھاز جاسايتىن سەحتىڭ اكىمشىسى سەيف ۇرلانعانى جونىندە پوليتسياعا شاعىمدانعان، دەپ حابارلايدى قازاقپارات قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

بەلگىسىز بىرەۋ ەسىكتىڭ قۇلپىنا كىلت سايكەستەندىرىپ سەح عيماراتىنىڭ ىشىنە كىرىپ، باعاسى 50 مىڭ تەڭگە تۇراتىن سەيفتى ۇرلاپ كەتكەن. جابىرلەنۋشىنىڭ ايتۋىنشا، ۇرلانعان سەيفتىڭ ىشىندە اقشا بولماعان. تەك قانا قۇجاتتار ساقتالعان.

«پوليسيا قىزمەتكەرلەرى كۇدىكتىنى ۇستاپ، انىقتادى. ول بۇرىن سوتتالعان 32 جاستاعى قالا تۇرعىنى بولىپ شىقتى. ۇستالعان ادامنىڭ ايتۋىنشا، ول سەحقا كىرىپ، ىشىندە اقشا بار دەپ ويلاپ سەيفتى ۇرلاپ كەتكەن. الايدا ۇيىنە كەلىپ اشقان كەزدە ونىڭ ىشىندە تۇك تە بولماعان. پوليتسيا قىزمەتكەرلەرى سەيفتى تاركىلەپ، يەسىنە قايتاردى»، دەلىنگەن حابارلامادا.

ءباسپاسوز قىزمەتىنىڭ مالىمەتىنشە، وسى فاكتى بويىنشا سوتقا دەيىنگى تەرگەپ- تەكسەرۋ جۇرگىزىلىپ جاتىر. ۇستالعان ادامنىڭ بۇرىن ەلوردا اۋماعىندا جاسالعان وسىعان ۇقساس قىلمىستارعا قاتىستى بار- جوعى تەكسەرىلىپ جاتىر. پوليتسيا تۇرعىندارعا باعالى زاتتارىن قاراۋسىز قالدىرماۋدى سۇرايدى، سونداي- اق شاعىن جانە ورتا بيزنەس وبەكتىلەرىنە كۇزەت دابىلىن ورناتۋدى ۇسىنادى.