بالالار فيلمىندەگى اتاقتى اكتەرلەر قازىر قايدا؟

نۇر-سۇلتان. قازاقپارات - قازاق كينوسىنىڭ التىن قورىندا بالالارعا ارنالعان كوپتەگەن كوركەم فيلم بار. ولار بۇكىل وداقتىق، حالىقارالىق فەستيۆالدەردە جۇلدە الىپ، جوعارى باعاعا يە بولدى.

ال قازاق كينوسىنىڭ دامۋىنا ۇلەس قوسقان سول كەزدەگى جاس اكتەرلەر بۇگىندە قايدا، ولاردىڭ تاعدىرى نە بولدى؟

«مەنىڭ اتىم قوجا»

1963 -جىلى «قازاقفيلم» ستۋدياسى تۇسىرگەن «مەنىڭ اتىم قوجا» بالالار فيلمىنىڭ رەجيسسەرى - ابدوللا قارساقبايەۆ. سەناريى بەردىبەك سوقپاقبايەۆتىڭ «مەنىڭ اتىم قوجا» پوۆەسىنىڭ جەلىسىمەن جازىلدى.

باستى رولدەگى كەيىپكەر قوجانى نۇرلان سەگىزبايەۆ سومداعان. Qاzاq TV تەلەارناسىنىڭ مالىمەتىنشە، كينو ءتۇسىرۋ ءۇشىن شىعارماشىلىق توپ باستى رولگە بالانى ۇزاق ىزدەگەن. رەجيسسەرلەر بەرىسى الماتى، جامبىل وبلىسىنان ىزدەسە، ءارىسى بىشكەككە دەيىن حابارلاسقان.

بۇگىندە قوجانىڭ رولىندە ويناعان كينودراماتۋرگ نۇرلان سەگىزبايەۆ - فيلوسوفيا عىلىمدارىنىڭ كانديداتى، قازاقستان كينەماتوگرافيستەر وداعىنىڭ مۇشەسى، قازاقستاننىڭ ەڭبەك سىڭىرگەن قايراتكەرى. بۇگىندە ول «قازاق فيلم» كينوستۋدياسىنىڭ «يگروۆىە فيلمى» شىعارماشىلىق- وندىرىستىك بىرلەستىگىنىڭ رەداكتورى.

فيلمدەگى سۇلتاننىڭ رولىندە ويناعان مارات كوكەنوۆ تە بۇدان كەيىن كينوعا تۇسپەگەن. مەكتەپ ءبىتىرىپ، ازاماتتىق بورىشىن وتەپ كەلگەن سوڭ مەملەكەتىك قاۋىپسىزدىك سالاسىندا - مەمقاۋىپسىزدىك كوميتەتىندە قىزمەت ەتكەن. قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن بىتىرگەن.

ال جانتاس پەن قوجانىڭ جۇرەگىن جاۋلاپ العان جانار - گۇلنار قۇرابايەۆا مۇلدە باسقا سالاعا كەتكەن. بۇگىندە ول قازاقستاندىق كومپانيالاردىڭ بىرىندە توپ جەتەكشىسى بولىپ جۇمىس ىستەيدى.

گۇلنار قۇرابايەۆا - جانار

كىشكەنتاي داۋلەتتىڭ رولىندە ويناعان يۋسۋف شامۋزوۆتىڭ دا بولاشاعى كينومەن بايلانىستى بولماعان.

ول اۋەلى لەنينگراد پەدياتريالىق مەديتسينالىق ينستيتۋتىن ءبىتىرىپ، مەديتسينا سالاسىن تاڭداعان. كەيىننەن «داۋلەت» دەنە شىنىقتىرۋ ينستيتۋتىن بىتىرگەن.

«التى جاسار الپامىس مەكتەپكە بارادى»

بۇل فيلم 1976 -جىلى كورەرمەن نازارىنا ۇسىنىلعان. الپامىستىڭ رولىندە ەرمەك تولەپبايەۆ ويناعان. ول 1970 -جىلى 1-قاراشادا الماتىدا تۋعان. فيلمگە تۇسكەن كەزدە اكتەر التىعا دا تولماعان ەدى.

ەرمەك تولەپبايەۆ ءسال بۇرىنىراق اكتەر، راديو جانە تەلەرەجيسسەر تۇراش ىبىرايەۆتىڭ «بەلىي اۆتوموبيل» دەگەن قىسقامەتراج فيلمىنە تۇسكەن ەكەن. حالىق شارۋاشىلىعى ينستيتۋتىن، كەيىن قازاق مەملەكەتتىك زاڭ اكادەمياسىن بىتىرگەن. ءبىراز جىل دىنمۇحاممەد قونايەۆ اتىنداعى گۋمانيتارلىق ينستيتۋتتا وقىتۋشى بولىپ قىزمەت ەتكەن. ەكونوميكا اكادەمياسىندا وقىتۋشى بولىپ جۇمىس ىستەگەن. كەيىنىرەك بيزنەس سالاسىنا اۋىسقان.

ەكىنشى باستى كەيىپكەر قاليحاندى ۇلان سارباسوۆ سومدادى. Mاssاget.kz پورتالىنىڭ مالىمەتىنشە، سوتقار بالانىڭ رولىنە اكتەر تابۋ قيىن بولعان. ابدوللا قارساقبايەۆ فۋتبول الاڭىندا دوپ قۋىپ جۇرگەن، ورەلى مىنەزى بار ۇلان سارباسوۆتى بايقاپ قالىپ، ونى كينوعا تۇسۋگە شاقىرادى. ءبىر سوزبەن ايتقاندا، ۇلان فيلمدە ءوزىن- ءوزى سومداعان. ۇلان سارباسوۆ ومىردەن ەرتە كەتتى. جۇلدىزى جارقىراعان بوزبالا شاعىندا ول بەلگىسىز سەبەپتەرمەن قايتىس بولعان ەكەن.

«شوق پەن شەر»

«شوق پەن شەر» تولىقمەتراج كوركەمفيلمىن 1972 -جىلى قازاقفيلم ستۋدياسى شىعارعان. كينوفيلم اۋىلدىڭ قاراپايىم بالاسى شەردىڭ شوق دەگەن قۇلىندى باعىپ، باپتاۋى تۋرالى. بالانىڭ جانۋارعا ايرىقشا ماحابباتپەن بەرىلگەندىگى سونشا, اعاسى اتتى ساتىپ جىبەرگەننەن كەيىن، ول ونى ىزدەۋگە اتتانادى.

باستى رولدەردە تالعات ۇكىموۆ (شەر) ، قامبار ۋاليەۆ (عالىمجان) ، تامارا قوسىبايەۆا (شەردىڭ اناسى) ، گۇلزيپا سىزدىقوۆا (عالىمجاننىڭ اجەسى) جانە قاسىم جاقىپبايەۆ (شەردىڭ اعاسى) ويناعان.

باستى رولدەگى تالعات ۇكىموۆ 1 جوبادا، 1 فيلمگە عانا تۇسكەن. ودان بولەك، اكتەر تۋرالى اقپارات جوق.

«كوكسەرەك»

«كوكسەرەك» كوركەمفيلمى 1973 -جىلى مۇحتار اۋەزوۆ شىعارماسىنىڭ جەلىسىمەن تۇسىرىلگەن. تۇساۋكەسەرى 1974 -جىلى 8 - ساۋىردە ماسكەۋدە ءوتتى. فيلمنىڭ رەجيسسەرى - تولومۋش وكەيەۆ. كوركەم فيلم قىرعىز الاتاۋىنىڭ تاۋلارىنىڭ باۋرايىندا, ىستىقكول كولىنىڭ جاعالاۋىندا تۇسىرىلگەن.

فيلمگە حايۋاناتتار باعىنان جاس قاسقىرلار الىنعان. كوكسەرەك بولىپ ەكى قاسقىر ويناعان، ەكەۋىن دە فيلمگە ءتۇسىرۋ ءۇشىن ماسكەۋ قالاسىنان ارنايى اكەلگەن.

باستى رولدەگى قۇرماشتى قامبار ۋاليەۆ سومداعان. ول 1962 -جىلى الماتى وبلىسىندا دۇنيەگە كەلگەن. اكتەر ودان بولەك «شوق پەن شەر»، « ءان پانىنەن ءتورت»، «قۇرمانعازى»، «شاڭىراق» فيلمدەرىندە دە باستى رولدە ويناعان. مەكتەپ بىتىرگەن سوڭ اكتەر كينو سالاسىنا بەت بۇرىپ، ماسكەۋگە وقۋعا اتتانباق بولعان. ءبىراق ماسكەۋدەگى وقۋعا بىردەن قابىلدانبايتىنىن ءبىلىپ، ينجەنەر- مەحانيك ماماندىعىن تاڭداعان ەكەن.

قامبار ۋاليەۆ 2012 -جىلى قايتىس بولعان. اكتەر قازاق ۇلتتىق كينو ونەرىنىڭ دامۋىنا ۇلەس قوسقان «كوكسەرەك» فيلمى تۋرالى: «كۇلكىمدى الىپ قويدى.. .سودان كەيىن كۇلە الماي قالدىم. جان دۇنيەمنىڭ كۇل- تالقانىن شىعاردى.. .» دەگەن ەكەن.

جۋرناليست ءاليا قۇدايبەرگەننىڭ وسىدان ەكى جىل بۇرىنعى Fاcebook جەلىسىندەگى جازباسىنا سۇيەنسەك، اكتەر تەحنيكالىق جوندەۋ ورتالىعىندا جۇمىس ىستەگەن ەكەن.

Tengrinews.kz