20:30, 10 - اقپان 2021 | GMT +5
قانشا مەديتسينا قىزمەتكەرى ۆاكسينادان باس تارتتى
نۇر- سۇلتان. قازاقپارات – ق ر د س م سانيتارلىق- ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا مەديتسينا قىزمەتكەرلەرىن كوروناۆيرۋس ينفەكتسياسىنا قارسى ۆاكسينالاۋ جايلى باياندادى، دەپ حابارلايدى قازاقپارات ءتىلشىسى.
«بۇگىنگى تاڭدا 13301 مەديتسينا قىزمەتكەرىنە ەكپە ەگىلدى، 218 مەديتسينا قىزمەتكەرىن ۆاكسينالاۋ (مەديتسينالىق كورسەتكىشتەر بويىنشا) كەيىنگە قالدى. 130 مەديتسينا قىزمەتكەرى نەمەسە %0,9 ۆاكسيناتسيادان باس تارتتى»، - دەدى ايجان ەسماعامبەتوۆا ورتالىق كوممۋنيكاتسيالار قىزمەتىندەگى بريفينگتە ءتىلشى سۇراعىنا بەرگەن جاۋابىندا.
سونىمەن بىرگە سپيكەر ۆاكسيناتسيادان باس تارتقان مەديتسينا قىزمەتكەرلەرى ەش جازاعا تارتىلمايتىنىن ءتۇسىندىردى.
«جالپى، ۆاكسيناتسيا - ەرىكتى پروتسەسس. ول ۆاكسينا الۋشىنىڭ اقپاراتتاندىرىلعان كەلىسىمى تۇسىندىرىلگەن سوڭ جۇرگىزىلەدى. سوندىقتان ۆاكسيناتسيادان باس تارتقان ادامدارعا ەشقانداي سانكتسيالار قاراستىرىلماعان»، - دەپ قورىتىندىلادى دارىگەر.
