كوروناۆيرۋس: ناۋرىز قالاي تويلانادى
بۇل تۋرالى ق ر دەنساۋلىق ساقتاۋ ۆيتسە- ءمينيسترى اجار عينيات ءمالىم ەتتى، دەپ حابارلايدى قازاقپارات ءتىلشىسى.
ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ناۋرىز ايىنداعى مەرەكەلىك كۇندەردە كوروناۆيرۋسقا بايلانىستى قاتاڭ شارالار قابىلداۋ مۇمكىندىگى تۋرالى سۇرالدى. وسى ورايدا قالاارالىق نەمەسە مەملەكەتارالىق اۋە رەيستەردى شەكتەۋ ەنگىزۋ مۇمكىندىگى جايىندا ساۋال قويىلدى.
«بۇل جاعداي ءاربىر وڭىردەگى ەپيدەميولوگيالىق احۋالعا بايلانىستى بولادى. سوندىقتان ءار ءوڭىردىڭ باس سانيتار دارىگەرى جەرگىلىكتى جەردەگى اۋرۋدىڭ تارالۋىنا قاتىستى كورسەتكىشتەردى نازارعا الىپ، وزدەرىنىڭ قاۋلىسىن قابىلدايدى. بارلىعى قالىپتى بولسا، قازىرگى تارتىپتە جۇمىستار جالعاسادى. ءبىراق بۇقارالىق ءىس- شارالار وتكىزىلمەيدى. اركىم ناۋرىزدى ءوز وتباسىندا تويلاۋى كەرەك»، - دەدى اجار عينيات.
