قازاقستاندا پاندەميا كەزەڭىندە اجىراسۋ سانى ءۇش ەسەدەي ازايعان
ايتا كەتەيىك، وتكەن جىلدىڭ سايكەس كەزەڭىمەن سالىستىرعاندا نەكەلەر سانى 15,7 پايىزعا، ال اجىراسۋلار سانى بىردەن 2,6 ەسەگە قىسقاردى، دەپ حابارلايدى قازاقپارات Ranking.kz-كە سىلتەمە جاساپ.
2020-جىلعى قاڭتار-قىركۇيەكتە اجىراسۋ مەن نەكەلەسۋ قاتىناسى رەكوردتىق تومەن كورسەتكىش - 19,8 پايىزدى قۇرادى، ال وتكەن جىلى كورسەتكىش، كەرىسىنشە، رەكوردتىق جوعارى تەرىس مانگە - 43,5 پايىزعا جەتتى. 2020-جىلعى قاڭتار- قىركۇيەكتە ەلدەگى تىركەلگەن نەكەنىڭ 69 پايىزعا جۋىعى، ياعني 60,4 مىڭى قالالارعا تيەسىلى.
بۇل وتكەن جىلمەن سالىستىرعاندا 17,5 پايىزعا از. اۋىلدىق جەرلەردەگى تىركەلگەن نەكەلەر سانى ءبىر جىلدا 11,6 پايىزعا، ياعني 27,2 مىڭعا دەيىن قىسقاردى. 2020-جىلعى قاڭتار-قىركۇيەكتەگى ق ر- دا اجىراسۋ جاعدايلارىنىڭ 73,4 پايىزى، ياعني 12,7 مىڭى (ءبىر جىل بۇرىن — 73,3 پايىز) قالالارعا، ال 26,6 پايىزى، ياعني 4,6 مىڭ اۋىلدىق جەرلەرگە تيەسىلى بولدى. بۇل رەتتە قالالىق جانە اۋىلدىق جەرلەردە دە اجىراسۋلار سانى ءبىر جىلدا 2,6 ەسەگە قىسقاردى.
ق ر بارلىق وڭىرىندە نەكە سانى ازايدى. كورسەتكىش شىمكەنتتە (27,4 پايىز)، قوستاناي وبلىسىندا (19,8 پايىز) جانە الماتىدا (18,3 پايىز) تومەندەدى.
ەڭ از تومەنگى كورسەتكىش قىزىلوردا (10,2 پايىز)، پاۆلودار (10,5 پايىز) جانە تۇركىستان (11 پايىز) وبلىستارىندا بايقالدى. ەل بويىنشا اجىراسۋ جاعدايلارىنىڭ سانى از. اجىراسۋ سانىنىڭ اناعۇرلىم تومەندەۋى قىزىلوردا (4 ەسە)، اتىراۋ (3,7 ەسە) جانە باتىس قازاقستان (3,1 ەسە) وبلىستارىندا بايقالدى.
