10:55, 10 - اقپان 2021 | GMT +5
كوروناۆيرۋس: اتىراۋ وبلىسى «جاسىل» ايماققا شىقتى
نۇر-سۇلتان. قازاقپارات - دەنساۋلىق ساقتاۋ مينيسترلىگى 10- اقپانداعى ەپيدەميولوگيالىق احۋالدى 10- اقپانداعى ەپيدەميولوگيالىق احۋالدى باعالاۋ ماتريتساسىنا سايكەس، قازاقستاننىڭ ەكى وبلىسى مەن ءبىر قالاسى ءالى دە «قىزىل» ايماقتا تۇر.
ولار: اقمولا، پاۆلودار وبلىسى مەن نۇر-سۇلتان قالاسى.
«سارى» ايماقتا قوستاناي، سولتۇستىك قازاقستان، باتىس قازاقستان وبلىستارى بار. بۇعان دەيىن وسى وبلىستارمەن قاتار تۇرعان اتىراۋ ءوڭىرى «جاسىل» ايماققا شىقتى. قالعان وڭىرلەردىڭ ءبارى «جاسىل» ايماقتا.
جالپى قازاقستان كوروناۆيرۋستىڭ تارالۋ قاۋپى جاعىنان «جاسىل» ايماقتا تۇر.
ەسكە سالساق، بۇعان دەيىن ق ر باس مەملەكەتتىك سانيتارلىق دارىگەرى ەرلان قياسوۆتىڭ كارانتين شارالارىن جەڭىلدەتۋ تۋرالى جاڭا قاۋلىسى جاريالانعان بولاتىن.
قاۋلى ەرەجەلەرىنە سايكەس، «جاسىل» ايماقتاعى وڭىرلەردە مەشىتتەرگە جۇرتتىڭ جينالۋىنا، سونىمەن قاتار مەكتەپ اسحانالارىنىڭ جۇمىسىنا رۇقسات بەرىلدى.
