كوروناۆيرۋس: ازەربايجان ەكى ءتۇرلى ۆاكسينانى قولدانۋعا الەمدە العاشقى بولىپ رۇقسات بەردى
كلينيكالىق سىناقتار اقپان ايىنىڭ سوڭىنا دەيىن باستالادى. بۇل تۋرالى AZERTAG مينيسترلىكتىڭ باسپا ءسوز قىزمەتىنە سىلتەمە جاساپ ءمالىم ەتتى، دەپ حابارلايدى قازاقپارات.
ايتا كەتسەك، «سپۋتنيك V» رەسەيلىك ۆاكتسينا بولسا، AstraZeneca - AstraZeneca كومپانياسى مەن وكسفورد ۋنيۆەرسيتەتى بىرلەسىپ ازىرلەگەن پرەپارات. بۇعان دەيىن ن. ف. گامالەيا اتىنداعى ەپيدەميولوگيا جانە ميكروبيولوگيا عىلىمي-زەرتتەۋ ورتالىعى، رەسەي تىكەلەي ينۆەستيتسيالار قورى، AstraZeneca جانە «ر-فارم» جاڭا كوروناۆيرۋس ينفەكسياسىنىڭ (COVID-19) الدىن الۋ سالاسىندا مەموراندۋمعا قول قويعان بولاتىن جانە بۇل تۋرالى وتكەن جىلدىڭ جەلتوقسان ايىندا رف پرەزيدەنتى ۆلاديمير پۋتيننىڭ قاتىسۋىمەن وتكەن كەڭەستە جاريالانعان ەدى.
ۆاكتسينالاردى بىرگە قولدانۋعا قاتىستى الەمدەگى العاشقى تاجىريبە 2020-جىلدىڭ 24- جەلتوقسانىندا تىركەلگەن كلينيكالىق سىناق حاتتاماسى اياسىندا وتكىزىلگەلى وتىر. زەرتتەۋ بارىسىندا «سپۋتنيك V» جانە AstraZeneca ۆاكسينالارىن ارالاس پايدالانۋدىڭ قاۋىپسىزدىگى مەن يممۋنوگەندىكتى باعالاۋ كوزدەلگەن. زەرتتەۋ باعدارلاماسى بىرنەشە ەل اۋماعىندا 6 ايعا سوزىلادى. زەرتتەۋدىڭ ءاربىر باعدارلاماسىنا 100 ەرىكتىدەن جۇمىلدىرۋ جوسپارلانعان.
