سارىشاعاندا زاماناۋي زەنيتتى- زىمىران كەشەنى سىناقتان ءوتتى
اسكەري وقۋ- جاتتىعۋ ءبىر اپتاعا سوزىلدى. بۇل قارۋدى قولدانۋ ارقىلى قۇرلىق پەن اۋەدەگى كەز كەلگەن نىساندى جويۋعا بولادى. تەگەۋرىندى اسكەري تەحنيكانى قازاقستان رەسەيمەن جاسالعان ەكى جاقتى كەلىسىم ارقىلى ساتىپ الدى.
ەلىمىزدىڭ اسكەريلەرى ءبىر اپتا بويى «سارىشاعان» اسكەري اتىس الاڭىندا رەسەيلىك «Бук-М2Э» كەشەنىن سىناقتان وتكىزدى. قىستا بالقاش كولىنىڭ ماڭى ەرەكشە سۋىق كەلەدى. اۋا رايىنىڭ قولايسىزدىعىنا قاراماستان تەحنيكا سىر بەرمەگەن.
ەرىك راقىمجانوۆ، زەنيتتىك- زىمىراندىق ديۆيزيون كومانديرى:
- وسى وقۋ- جاتتىعۋدا قابىلداۋ، تەكسەرۋ جاتتىعۋلارىندا بىرىنشىدەن ايەروديناميكالىق نىساننىڭ كوزىن جويۋ جانە دە بالليستيكالىق نىساننان 24 شاقىرىم ارا قاشىقتىقتىعىندا كوزىن جويۋ بولدى. قويىلعان تاپسىرمانىڭ بارلىعى جەكە قۇراممەن ورىندالدى.
«Бук-М2Э» - زاماناۋي زەنيتتى- زىمىران كەشەنى ءوز ساناتىندا ەڭ جاقسى تەحنيكا سانالادى. سيفرلىق جۇيە ەنگىزىلگەن اسكەري جويعىش تەحنيكا جەر تالعامايدى. قۇرلىق پەن اۋەدە قوزعالعان نىساندى ءوزى كوزدەپ، اتا الادى. ءبىر ديۆيزيوننىڭ اۋەدەگى 24 نىساندى قاداعالايتىن مۇمكىندىگى بار. ال نىسىناعا ءدوپ تيگىزۋ دالدىگى 80 پروتسەنتتەن 99 پروتسەنتكە دەيىن جەتەدى.
قايرات سادىقوۆ، ق ر ق م اۋە قورعانىس كۇشتەرىنىڭ قولباسشىسى، گەنەرال- مايور:
بۇل كەشەن - اۆتوماتتاندىرىلعان جۇيە. مۇنى وفيتسەرلەر وزدەرى قويادى. باعدارلامانى قويسا، ءوزى تاۋىپ اتا بەرەدى. بۇل دامىعان كەشەن. بۇل كەشەننىڭ بولاشاعى بار. وسى جاتتىعۋدا كوزىم جەتتى، بۇل كەشەن كىشىگىرىم پيلوتسىز ۇشاقتاردى دا الا بەرەدى. باعدارلاما بويىنشا ءبىز جىبەردىك. ءوزىن وتە جاقسى كورسەتتى.
«سارىشاعاندا» وتكەن اسكەري وقۋ- جاتتىعۋدا نىسانا رەتىندە «اديۋتانت» كەشەنى پايدالانىلدى. ياعني بۇل كەشەن ۇشقىشسىز ۇشاتىن اپپاراتتار مەن قاناتتى زىمىرانداردىڭ كوشىرمەسى ىسپەتتى. الداعى ۋاقىتتا ەلىمىزدىڭ قورعانىس مينيسترلىگى جەكە قۇرامدى وقىتىپ، تاجىريبەلەرىن شىڭداۋ ءۇشىن وسىناداي تەحنيكانى ساتىپ الۋدى جوسپارعا ەنگىزگەن كورىنەدى.
www.24.kz
