قازاق كۇرەسىن بالاباقشا، مەكتەپ، كوللەدج باعدارلاماسىنا ەنگىزسەك دەيمىز - س ق و- لىق باپكەر
بۇگىنە ۇلتتىق سپورتتىڭ وسى تۇرىمەن اينالىساتىندار سانى مىڭنان اسقان، دەپ حابارلايدى قازاقپارات ءتىلشىسى.
س ق و دەنە شىنىقتىرۋ جانە سپورت باسقارماسى باسپا ءسوز قىزمەتىنىڭ مالىمەتىنشە، پەتروپاۆلدا قازاق كۇرەسىن دامىتۋ ماسەلەلەرىنە ارنالعان جيىن ءوتتى. وعان س ق و اكىمى ورىنباسارى داۋرەن جانداربەك، وبلىستىق جاۋىنگەرلىك ونەر قاۋىمداستىعىنىڭ پرەزيدەنتى، س ق و بويىنشا ۇلتتىق قاۋىپسىزدىك كوميتەتىنىڭ باسشىسى ازات كاريمۋللين جانە سالالىق باسقارما ءتوراعاسى سەرگەي مەلەحوۆ قاتىستى. مامانداردىڭ ايتۋىنشا، س ق و- دا وبلىسىندا بالالار مەن جاسوسپىرىمدەردىڭ 13 سپورت مەكتەبىندە قازاق كۇرەسىنەن بولىمدەر جۇمىس ىستەيدى. نەگىزىنەن بالالار مەن جاسوسپىرىمدەر - مىڭنان استام ادام اينالىسادى.
ولارمەن 54 باپكەر- ۇستاز جاتتتىقتىرادى. 2018 -جىلى وڭىردە «قىزىلجار ارلاندارى» سپورت كلۋبى اشىلدى. كىلەڭ مىقتىلاردىڭ باسىن قوسقان بۇل كلۋبتا 30 ادام جاتتىعادى. ولاردىڭ 5-ەۋى - حالىقارالىق دارەجەدەگى سپورت شەبەرى، 8 ى - سپورت شەبەرى بولسا، 7 ەۋى سپورت شەبەرلىگىنە ۇمىتكەر. بۇل بالۋاندار حالىقارالىق، رەسپۋبليكالىق تۋرنيرلەرگە قاتىسىپ، جۇلدەلى ورىنداردى جەڭىپ الدى.
«س ق و- دا قازاق كۇرەسىن دامىتۋ جۇيەلى تۇردە جۇرگىزىلىپ جاتىر. قازىر بۇل ءوڭىردى باسقا وبلىستارعا ۇلگى ەتەمىز. ويتكەنى قازاق كۇرەسى بويىنشا كوش باستاپ تۇر. 2019 -جىلى قىزىلجار ارلاندارى كومانداسى ق ر كونفەدەراتسيا كۋبوگىن جەڭىپ الدى. سول جىلى كلۋب مۇشەسى قۋانىش يسقاكوۆ qazaq kuresi بويىنشا وتكەن الەم چەمپيوناتىندا 66 سالماق دارەجەسىندە التىن جۇلدە الدى»، - دەيدى «قازاقستاننىڭ جاۋىنگەرلىك ونەر قاۋىمداستىعىنىڭ» باس ديرەكتورى ابات يمامبايەۆ.
س ق و- دا قاۋىمداستىققا 13 وڭىرلىك فەدەراتسيا قارايدى، ولار: م م ا، گرەپپلينگ، ۋشۋ ساندا جانە ۋشۋ تاولۋ، پانكراتيون، كيكبوكسينگ، مۋاي- تاي، كاراتە كەوكۋسينكاي ي شين كەوكۋشين كاراتە، تاەكۆوندو ITF، قويان- قولتىق ۇرىس، دجيۋ- دجيتسۋ، بەلبەۋ كۇرەس، دزيۋدو جانە سامبو. سپورتتىڭ بۇل تۇرلەرىمەن 2,5 مىڭ ادام اينالىسادى. 72 جاتتىقتىرۋشى بار، كوپشىلىگى اتتەستات العان.
«قىزىلجار ارلاندارى» كلۋبىن قۇرىلعاننان بەرى باسقارىپ كەلە جاتقان ەربول مىرزابوسىنوۆتىڭ ايتۋىنشا، Qazaq kuresi ۇلتتىق سپورتىن دامىتۋدا قاۋىمداستىقتىڭ اتقارار جۇمىسى ءالى دە وراسان. سولاردىڭ ءبىرى - قازاق كۇرەسىن ءپان رەتىندە بالاباقشا، مەكتەپ، كوللەدج جانە جوعارى وقۋ ورىندارىنىڭ باعدارلاماسىنا ەنگىزۋ. سونداي-اق قۇقىق قورعاۋ ورگاندارى، ارنايى مەملەكەتتىك ورگاندار مەن اسكەري ۆەدومستۆو قىزمەتكەرلەرى دە ۇلتتىق سپورت تۇرىمەن اينالىسۋعا مىندەتتەلەتىن بولادى.
اۆتور: اقەركە داۋرەنبەك قىزى
