پرەزيدەنت «قازاتومونەركاسىپ» ۇ ا ك» ا ق باسقارما ءتوراعاسى عالىمجان ءپىرماتوۆتى قابىلدادى
قازاقستان پرەزيدەنتىنە ۇلتتىق اتوم كومپانياسىنىڭ 2020 -جىلى اتقارعان جۇمىستارىنىڭ نەگىزگى ناتيجەلەرى مەن الداعى كەزەڭگە ارنالعان جوسپارلارى تۋرالى باياندالدى.
عالىمجان ءپىرماتوۆتىڭ ايتۋىنشا، كومپانيا كوروناۆيرۋس پاندەمياسىنا قاراماستان الدىنا قويىلعان بارلىق مىندەتتى ورىنداعان.
«قازاتومونەركاسىپ» اكسيونەرلىك قوعامى ءۇشىنشى جىل قاتارىنان ءونىم وتكىزۋ ىسىندە جوعارى كورسەتكىشتەرگە قول جەتكىزىپ، ۋران ءوندىرۋ جانە ساتۋ كولەمى بويىنشا الەمدىك نارىقتاعى كوشباسشى مارتەبەسىن سەنىمدى تۇردە ساقتاپ وتىر. سونىمەن قاتار مەملەكەت باسشىسىنا تسيفرلىق ترانسفورماتسيا باعدارلاماسىنىڭ جۇزەگە اسىرىلۋ بارىسى، كومپانياداعى بيزنەس- پروتسەستەردىڭ جەتىلدىرىلۋى جانە جىلۋ بولەتىن قۇرىلعىلار (ج ب ق) شىعاراتىن زاۋىت قۇرىلىسىنىڭ اياقتالۋى جونىندە مالىمەت بەرىلدى. كەزدەسۋ قورىتىندىسى بويىنشا قاسىم-جومارت توقايەۆ «قازاتومونەركاسىپ» باسشىسىنا ءبىرقاتار ناقتى تاپسىرما بەردى.
