10:45, 09 - اقپان 2021 | GMT +5
جوسىقسىز كاسىپكەرلەر موراتوريدى پايدالانىپ، سالىق تولەۋدەن جالتاردى - مينيستر
نۇر-سۇلتان. قازاقپارات - جوسىقسىز كاسىپكەرلەر تەكسەرۋلەرگە 3 جىلدىق موراتوريدى سالىقتان جالتارۋ مۇمكىندىگى رەتىندە قابىلدادى.
بۇل تۋرالى بۇگىن ۇكىمەت وتىرىسىندا ق ر قارجى ءمينيسترى ەرۇلان جاماۋبايەۆ جاسادى، دەپ حابارلايدى قازاقپارات ءتىلشىسى.
«2020 -جىلدان باستاپ ەنگىزىلگەن تەكسەرۋلەرگە 3 جىلدىق موراتوري كاسسالىق ءتارتىپتى تومەندەتتى. جوسىقسىز كاسىپكەرلەر بۇل باستامانى سالىقتان جازاسىز جالتارۋ مۇمكىندىگى رەتىندە قابىلدادى»، - دەدى مينيستر.
ونىڭ دەرەگىنشە، تەك وتكەن جىلدىڭ وزىندە «ازاماتتىق باقىلاۋ - چەكتى تالاپ ەت» جوباسى اياسىندا مەملەكەتتىك كىرىستەر كوميتەتىنە زاڭ بۇزۋشىلىقتار تۋرالى بەينە-تىركەۋمەن 16,5 مىڭ حابارلاما كەلىپ تۇسكەن.
«وسىعان بايلانىستى ءبىز موراتوري تۋرالى جارلىققا ازاماتتاردىڭ شاعىمدارى مەن جوسىقسىز سۋبەكتىلەر بويىنشا تەكسەرۋلەرگە ونى قولدانباۋ بولىگىندە تۇزەتۋلەر ەنگىزۋگە باستاماشىلىق جاسادىق»، - دەدى ەرۇلان جاماۋبايەۆ.
