كوروناۆيرۋس: الماتى قالاسى «سارى» ايماققا كىردى
9 - اقپانداعى ەپيدەميولوگيالىق احۋالدى باعالاۋ ماتريتساسىنا سايكەس، قازاقستاننىڭ ەكى وبلىسى مەن ءبىر قالاسى «قىزىل» ايماقتا تۇر. ولار: اقمولا، پاۆلودار وبلىسى مەن نۇر-سۇلتان قالاسى.
«سارى» ايماقتا قوستاناي، اتىراۋ، سولتۇستىك قازاقستان، باتىس قازاقستان وبلىستارى مەن الماتى قالاسى بار.
كەشە «جاسىل» ايماقتا بولعان الماتى بۇگىن «سارى» ايماققا كىردى. قالعان وڭىرلەردىڭ ءبارى «جاسىل» ايماقتا.
جالپى قازاقستان كوروناۆيرۋستىڭ تارالۋ قاۋپى جاعىنان «جاسىل» ايماقتا تۇر.
ەسكە سالساق، بۇعان دەيىن ق ر باس مەملەكەتتىك سانيتارلىق دارىگەرى ەرلان قياسوۆتىڭ كارانتين شارالارىن جەڭىلدەتۋ تۋرالى جاڭا قاۋلىسى جاريالانعان بولاتىن. قاۋلى ەرەجەلەرىنە سايكەس، «جاسىل» ايماقتاعى وڭىرلەردە مەشىتتەرگە جۇرتتىڭ جينالۋىنا، سونىمەن قاتار مەكتەپ اسحانالارىنىڭ جۇمىسىنا رۇقسات بەرىلدى.
