كوروناۆيرۋس: تۇركىستان وبلىسىندا قازاقستاندىق ۆاكسينا سالىنا باستايدى
ۆاكسيناتسيا ناۋقانىنىڭ كەلەسى كەزەڭىندە وتاندىق ەكپەنى قولدانۋ جوسپارلانىپ وتىر. قازاقستاندىق ۆاكسينا كلينيكالىق سىناقتىڭ ءۇشىنشى كەزەڭىنەن ءوتىپ جاتىر. تۇركىستان وبلىسىندا 800 دەن استام مەديتسينا قىزمەتكەرى COVID-19-عا قارسى ەكپە سالدىردى. وڭىردە كوروناۆيرۋس ىندەتىنە قارسى ەكپە سالۋ جۇمىستارى 20 ەمحانادا جۇرگىزىلىپ جاتىر. ۆاكسينالارعا ارنالعان ارنايى مۇزداتقىش كامەرالارى جەتكىلىكتى. بۇگىندە Covid-19 قارسى ۆاكتسينا ەگىلگەن ازاماتتاردىڭ دەنساۋلىعى جاقسى. ەكپەدەن كەيىن اۋرۋحاناعا تۇسكەن جاعدايلار تىركەلمەگەن.
كوروناۆيرۋس ۆاكتسيناسىن ەكى كەزەڭمەن 21 كۇن ارالىعىندا جاساۋ مىندەتتى. وعان سەبەپ، ءبىرىنشى دوزا انتيدەنەلەردىڭ از مولشەرىن وندىرۋگە بايلانىستى قىسقا مەرزىمدى قورعانىس اسەرىن بەرەدى. ەكىنشى دوزا ءبىرىنشىنىڭ اسەرىن كۇشەيتەدى جانە ادام اعزاسىنداعى انتيدەنەلەردىڭ مولشەرى ارتادى. «Sputnik V» ۆاكسيناسىن 18 جاسقا دەيىنگى بالالارعا جاساۋعا بولمايدى، ونى قازاقستان رەسپۋبليكاسىنىڭ 60 جاسقا دەيىنگى ەرەسەك ازاماتتارى سالدىرا الادى. قازاقستاندا ۆاكسيناتسيا ەرىكتى. ەلىمىزدە ەگۋدەن باس تارتقانى ءۇشىن اكىمشىلىك نەمەسە قىلمىستىق جاۋاپكەرشىلىك جوق. ۆاكسينا سالدىراتىن كەزدە ازاماتتار تولىق دارىگەرلىك تەكسەرۋدەن وتەدى جانە كەلەسى ءۇش كۇن بويى دارىگەردىڭ باقىلاۋىندا بولادى.
