قىتايدا جىل باسىنان بەرى العاش رەت ءبىر تاۋلىكتە ەشكىم كوروناۆيرۋس جۇقتىرمادى
بۇل تۋرالى دۇيسەنبى كۇنى ق ح ر گيگيەنا جانە دەنساۋلىق ساقتاۋ ماسەلەلەرى بويىنشا مەملەكەتتىك كوميتەتى مالىمدەدى، دەپ حابارلايدى قازاقپارات ءتىلشىسى.
ولاردىڭ مالىمەتىنشە، قىتايدىڭ مەديتسينا مەكەمەلەرىندە ءالى ۆيرۋس جۇقتىرعان 277 ناۋقاس ەم الىپ جاتىر. جالپى شەت ەلدەن كەلگەن، ينفەكسياعا شالدىققاندار سانى 4804-كە جەتتى، ونىڭ 4527- ءى جازىلىپ شىقتى.
ستاتيستيكا بويىنشا، ق ح ر قۇرلىق بولىگىندە ۆيرۋس جۇقتىرعانداردىڭ % 93,58 جازىلعان. ينفەكسياعا شالدىققاندار سانى - 89,7 مىڭنان استى، ءولىم كورسەتكىشى - % 5,16 (4,6 مىڭنان اسا ادام قايتىس بولدى). قازىرگى كۇنى ينفەكسياعا شالدىققاندارمەن تىعىز بايلانىستا بولعان 27,6 مىڭ تۇرعىن مەديتسينا قىزمەتكەرلەرىنىڭ باقىلاۋىندا.
وتكەن تاۋلىكتە قىتاي بيلىگى ەش بەلگىسى جوق 16 ۆيرۋس تاسىمالداۋشىنى انىقتادى، ونىڭ 15- ءى شەتەلدەن كەلگەن. قىتاي ۇكىمەتى سيمپتومسىز تاسىمالداۋشىلاردى جالپى ستاتيستيكاعا قوسپايدى جانە بولەك باعاندا كورسەتەدى. جالپى 639 سيمپتومسىز ناۋقاستى مەديتسينا قىزمەتكەرلەرى باقىلاپ وتىر، ونىڭ 291- ءى شەتەلدەن كەلگەن.
ەسكە سالا كەتسەك، 2020 -جىلدىڭ جەلتوقسانىنىڭ ەكىنشى بولىگىندە قىتايدىڭ وڭتۇستىك- باتىسىنداعى سىچۋان پروۆينتسياسىندا، سودان كەيىن حەبەي، حەيلۋجيان، جيلين جانە قىتايدىڭ سولتۇستىك- شىعىسىنداعى باسقا دا ايماقتارىندا COVID-19 وشاقتارى انىقتالا باستادى.
جەرگىلىكتى ب ا ق حابارلاۋىنشا، قىس كەزىندە ەلدە جالپى 2071 جەرگىلىكتى جۇقتىرۋ وقيعالارى تىركەلگەن. قىتاي مەديتسينا ساراپشىلارىنىڭ ايتۋىنشا، كوروناۆيرۋس جۇقتىرۋ وقيعالارىنىڭ ازايۋىنا قىتاي ايماقتارىندا قابىلدانعان قاتاڭ سانيتاريا- ەپيدەميالوگيالىق شارالار جانە شەتەلدەن كەلگەن جانە تاۋار يمپورتتايتىن ادامدارعا قاتىستى ەرەجەلەر سەبەپ بولدى.
اۆتور: بالنۇر قوجاگەلدى
