ايتىسكەر اقىن رينات زايىتوۆ «الاتاۋ» ءداستۇرلى ونەر تەاترىنىڭ ديرەكتورى بولىپ تاعايىندالدى

نۇر- سۇلتان. قازاقپارات - ايتىسكەر اقىن رينات زايىتوۆ الماتىداعى «الاتاۋ» ءداستۇرلى ونەر تەاترىنىڭ ديرەكتورى قىزمەتىنە تاعايىندالدى، دەپ حابارلايدى قازاقپارات ءتىلشىسى.

«رينات زايىتوۆ «الاتاۋ» ءداستۇرلى ونەر تەاترىنىڭ ديرەكتورى قىزمەتىنە تاعايىندالىپ، بۇگىن عانا ۇجىمعا تانىستىرىلدى»، - دەدى قازاقپارات تىلشىسىنە تەلەفون ارقىلى تەاتر ديرەكتورىنىڭ قابىلداۋ بولمەسىنەن.

رينات زايىتوۆ 1983 -جىلى 17- قاراشادا شىعىس قازاقستان وبلىسىنىڭ اياگوز قالاسىندا دۇنيەگە كەلگەن. قازاقتىڭ ايتىسكەر، سۋىرىپ سالما جانە جازبا اقىنى، دراما اكتەرى، فيلولوگ. م. تولەبايەۆ اتىنداعى مۋزىكا كوللەدجىن «درامالىق تەاتر اكتەرى» ماماندىعى بويىنشا بىتىرگەن. سەمەي مەملەكەتتىك پەداگوگيكالىق ينستيتۋتىندا فيلولوگ ماماندىعى بويىنشا ءبىلىم العان.

تەلەۆيزياداعى العاشقى قادامى سەمەي قالاسىنىڭ جەرگىلىكتى ارناسىنداعى «ت ت ت» ءازىل- سىقاق باعدارلاماسىمەن باستالعان. ول - 2001-2008 -جىلدارى اراسىنداعى ايماقتىق، رەسپۋبليكالىق جانە حالىقارالىق ايتىس دودالارىنىڭ جەڭىمپازى، 2008-2010 -جىلدارى ارالىعىندا رەسپۋبليكالىك ايتىستاعى ءدۇلدۇل جەڭىمپازى. اياگوز اۋدانىنىڭ قۇرمەتتى ازاماتى. «استانا قالاسىنىڭ دامۋىنا قوسقان ۇلەسى ءۇشىن» مەدالىمەن ماراپاتتالعان.

اۆتور: مارلان جيەمباي