ىشكى ىستەر مينيسترلىگى ەل ازاماتتارىن الىس جولعا شىقپاۋعا شاقىردى

نۇر-سۇلتان. قازاقپارات – ق ر ىشكى ىستەر مينيسترلىگى اۋا رايىنىڭ قولايسىزدىعىنا بايلانىستى ەل ازاماتتارىن الىس جولعا شىقپاۋعا شاقىردى، دەپ حابارلايدى قازاقپارات ءتىلشىسى.

«ءبىرقاتار وڭىردە اۋا رايىنىڭ قولايسىزدىعىنا، قالىڭ قار جاۋۋىنا بايلانىستى ەلىمىزدىڭ جولدارىندا، اسىرەسە قالا سىرتىنداعى تاس جولداردا قاۋىپ پايدا بولۋى مۇمكىن. ماماندار جۇرگىزۋشىلەرگە وسى كۇندەرى، جەل تۇرىپ، بوران سوعىپ، كوكتايعاق بولعان كەزدە الىس ساپارعا شىقپاۋعا كەڭەس بەرەدى. جولدا بارىنشا اباي بولۋ قاجەت. جىلدامدىق رەجيمى مەن اراقاشىقتىق ساقتاۋ كەرەك. اسىرەسە، بالالار وقۋ مەكەمەلەرى، قوعامدىق كولىك ايالدامالارى مەن جاياۋ جۇرگىشىلەر جولاعى تۇسىندا اباي بولعان ءجون»، - ق ر ىشكى ىستەر مينيسترلىگىنىڭ رەسمي وكىلى نۇردىلدا وراز.

ونىڭ دەرەگىنشە، وتكەن دەمالىس كۇندەرى ەلىمىزدىڭ اۋماعىندا 27 جول- كولىك وقيعاسى تىركەلدى. سونىڭ سالدارىنان 5 ادام قازا تاۋىپ، 22 ادام ءتۇرلى دەنە جاراقاتىن الدى.