قولايسىز اۋا رايىنا بايلانىستى تاعى ەكى وڭىردە جول جابىلدى

نۇر-سۇلتان. قازاقپارات - اۋا رايىنىڭ ناشارلاۋىنا بايلانىستى اقمولا جانە الماتى وبلىسىندا كولىك قوزعالىسى شەكتەلدى، دەپ حابارلايدى قازاقپارات ق ر يندۋستريا جانە ينفراقۇرىلىمدىق دامۋ مينيسترلىگىنىڭ رەسمي Telegram كانالىنا سىلتەمە جاساپ.

قولايسىز اۋا رايىنا (قار، بوران، جولدىڭ ناشار كورىنۋى) 8-اقپاندا ساعات 10:30-دان باستاپ اقمولا وبلىسىندا «نۇر-سۇلتان- قورعالجىن» اۆتوجولىنىڭ 19-180-شاقىرىمىندا «نۇر-سۇلتان ق. -قورعالجىن قورىعى» ۋچاسكەسىندە بارلىق كولىك تۇرلەرى ءۇشىن كولىك قوزعالىسى شەكتەلدى.

سونداي-اق 8-اقپاندا ساعات 10:00-دە الماتى وبلىسىندا قولايسىز اۋا رايىنا (بوران، شەكتەۋلى كورىنىس) بايلانىستى «ءۇشارال- دوستىق» اۆتوجولىنىڭ 83-184-شاقىرىمىندا «كوكتۋما ست- دوستىق ست.» ۋچاسكەسىندە («اۆتودور نس» ا ب ك قايتا قۇرۋعا ارنالعان ۋچاسكەسى) اۆتوكولىكتىڭ بارلىق تۇرلەرى ءۇشىن قوزعالىسقا شەكتەۋ ەنگىزىلدى.

بۇعان دەيىن حابارلانعانداي، قولايسىز اۋا رايىنا بايلانىستى پاۆلودار جانە قاراعاندى وبلىسى جولدارىندا قوزعالىسقا شەكتەۋ قويىلعان بولاتىن.