گەننادي گولوۆكين مەن الەم چەمپيونى اراسىنداعى جەكپە-جەكتىڭ وتەتىن جاڭا ورىنى بەلگىلى بولدى

نۇر-سۇلتان. قازاقپارات - ESPN تەلەارناسىنىڭ ينسايدەرى سالۆادور رودريگەس قازاقستاندىق بوكسشى گەننادي گولوۆكين (41-1-1، 36 ك و) مەن قارسىلاسى جاپون سپورتشىسى ريوتا مۋراتا (16-2، 13 ك و) اراسىنداعى جەكپە-جەكتىڭ قايدا ءوتۋى مۇمكىن ەكەنىن ايتتى، دەپ حابارلايدى قازاقپارات Sports.kz-كە سىلتەمە جاساپ.

«بۇل ايقاس جاپونياداعى Tokyo Dome ارەناسىندا ءوتۋى مۇمكىن»، — دەدى رودريگەس.

بۇعان دەيىن ول گولوۆكين مەن مۋراتا كوماندالارى كەلىسسوزدەر جۇرگىزىپ جاتقانىن حابارلاعان بولاتىن.

الايدا جاپون بوكسشىسى مۇنداي سالماقتى قارسىلاسپەن كەزدەسپەس بۇرىن الدىمەن «قىزدىرىناتىن» جەكپە-جەك وتكىزگىسى كەلەدى.

ەسكە سالا كەتەيىك، مۋراتا WBA Super نۇسقاسى بويىنشا ورتا سالماقتا الەم چەمپيونى بولسا، گولوۆكين - IBF جانە IBO بەلبەۋلەرىنىڭ يەگەرى. سونىمەن قاتار، وسى جىلدىڭ قىركۇيەگىندە ءوتۋى مۇمكىن گەننادي گولوۆكين - ساۋل «كانەلو» الۆارەس جەكپە-جەكتەرى تريلوگياسىنىڭ سوڭعى ءبولىمى تۋرالى اڭگىمە باسىلار ەمەس. ول ءۇشىن گولوۆكيننىڭ مەكسيكالىق حايمە مۋنگيامەن جەكپە-جەكتە ءساتتى ونەر كورسەتۋى قاجەتتى شارت بولىپ وتىر.

اتالعان ايقاس شامامەن مامىر ايىنا جوسپارلانعان.