ەلوردادا تۇرعىنداردىڭ كوپ جينالۋىنان تۋىنداعان وقيعاعا قاتىستى سانەپيدباقىلاۋ كوميتەتىنىڭ تۇسىنىكتەمەسى
بۇل تۋرالى قازاقپارات BaigeNews.kz سايتىنا سىلتەمە جاساپ حابارلايدى.
ەسىل اۋداندىق اكىمدىگى مەن پوليتسيا ماماندارىنان قۇرالعان مونيتورينگتىك توپ 2000 نان استام ادامنىڭ قاتىسۋىمەن وتكەن ءىس-شارادا نۇر-سۇلتان قالاسىنىڭ باس سانيتارلىق دارىگەرىنىڭ قاۋلىسىن بۇزۋ فاكتىسىن انىقتادى.
دۇكەن اشىلۋ قۇرمەتىنە ۇتىس ويىنىن وتكىزگەن .
«ۇيلەستىرۋ ورتالىعىنىڭ اقپاراتى (شۇعىل حابارلاما) نەگىزىندە ەسىل اۋداندىق سانيتارلىق- ەپيدەميولوگيالىق باقىلاۋ ءبولىمىنىڭ ماماندارى جوسپاردان تىس تەكسەرۋ جۇرگىزدى. تەكسەرۋ بارىسىندا زاڭ بۇزۋشىلىق فاكتىسى راستالىپ، كاسىپكەرلىك سۋبەكتىسىنە ( «Global flowers» ج ش س) قازاقستان رەسپۋبليكانىڭ اكىمشىلىك كودەكسىنىڭ 425-بابىنىڭ 1-بولىگى بويىنشا اكىمشىلىك شارالار قولدانۋ ءۇشىن 8 - اقپاندا كەڭسەگە كەلۋگە شاقىرۋ قاعازى تاپسىرىلدى»، - دەيدى سانيتارلىق-ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتانايەۆ.
نىسان اكىمشىلىگى مەن ۇتىس ويىنىنا قاتىسۋشىلارعا قاۋلى تالاپتارىن ورىنداۋ قاجەتتىلىگى تۋرالى ءتۇسىندىرۋ جۇمىستارى جۇرگىزىلدى. سىيلىق الۋدى قالايتىن كوپتەگەن ادام دۇكەننىڭ جانىنا جينالعان.
ۇيىمداستىرۋشىلار نە بولىپ جاتقانىن ۆيدەوعا ءتۇسىرىپ، الەۋمەتتىك جەلىگە جاريالاعان. شەكتەۋ شارالارى ناقتى بۇزىلعاندىقتان ارادا ءبىر ساعات وتكەن سوڭ شارا توقتاتىلدى.
