زەينەتاقى پلاتفورماسى: تاعى ءبىر فۋنكسيا قوسىلدى
«ونلاين - پلاتفورمادا كوپتەن كۇتكەن وزگەرىستەر ەنگىزىلدى. ەندى، ارنايى شوتقا ءبىرجولعى زەينەتاقى تولەمدەرى تۇسكەننەن كەيىن دە، نەمەسە ءوتىنىمىڭىزدى قايتا وڭدەۋگە قايتارعان بولسا دا قاراجاتتى قولدانۋ ماقساتىن وزگەرتە الاسىز»، - دەلىنگەن حابارلامادا جەكە كابينەتتە ءوتىنىمنىڭ ماقساتتىن قالاي وزگەرتۋگە بولادى؟
enpf-otbasy.kz پلاتفورماسىنداعى جەكە كابينەتىڭىزگە ە س ق ارقىلى كىرىڭىز؛ ماقساتتىن وزگەرتۋ قاجەت ءوتىنىمدى تاڭداڭىز؛ ءوتىنىمنىڭ ماقساتىن وزگەرتۋ- پەرنەسىن باسىڭىز؛ ۇسىنىلعان تىزىمنەن جاڭا ماقساتتى تاڭداڭىز؛ ءوتىنىمنىڭ ماقساتىن وزگەرتۋ - پەرنەسىن (قىزىل باتىرما) باسۋ ارقىلى ارەكەتتى راستاڭىز؛ وتىنىشكە قول قويۋ ارقىلى ءوتىنىم ماقساتتىن وزگەرتۋدى اياقتاڭىز.
ياعني، ەندى جاڭا ءوتىنىش جاساۋ جانە ماقساتتى وزگەرتۋ ءۇشىن 45 كۇن كۇتۋدىڭ قاجەتى جوق.
ەسكە سالساق، بۇعان دەيىن اتالعان پلاتفورمادا پاتەر ساتىپ الۋ نەمەسە زايمدى وتەۋگە ارنالعان قۇجاتتاردى جۇكتەگەنگە دەيىن بىررەتتىك زەينەتاقى تولەمىن العان سوڭ وعان تۋىسىڭىز بەرگەن قاراجاتتى قوسۋ مۇمكىندىگى بەرىلگەن ەدى.
2021 -جىلى 2-قاڭتاردا ق ر پرەزيدەنتى قاسىم-جومارت توقايەۆ زەينەتاقى جيناعىنىڭ ءبىر بولىگىن ماقساتتى پايدالانۋعا قاتىستى زاڭعا قول قويدى. قازاقستاندىقتاردىڭ زەينەتاقى جيناقتارىن پايدالانۋ ءۇشىن جاڭارتىلعان «جەتكىلىكتىلىك شەگى» جاريالاندى.
زەينەتاقى جيناعىنان الۋعا بولاتىن سوما ب ج ز ق سايتىندا اۆتوماتتى تۇردە كورسەتىلەدى. 23-قاڭتاردان قازاقستاندا زەينەتاقىنىڭ ءبىر بولىگىن الۋعا ءوتىنىم قابىلداۋ باستالدى. ارنايى پورتالدا زەينەتاقىنىڭ ءبىر بولىگىن الۋعا ءوتىنىم قابىلداۋ باستالعالى ءۇش ساعاتتىڭ ىشىندە 4 مىڭنان استام ادام ءوتىنىش بەردى.
