فرانسيا قالاسىنىڭ ورتالىعىندا جارىلىس بولدى

بوردو. قازاقپارات - فرانسيانىڭ وڭتۇستىك- باتىسىنداعى بوردا قالاسىنىڭ ورتالىق بولىگىندەگى تۇرعىن ۇيلەردىڭ بىرىندە جارىلىس بولدى، دەپ حابارلايدى قازاقپارات BFM تەلەارناسىنا سىلتەمە جاساپ.

وقيعا پيكار الاڭىنا جاقىن جەردەگى شارتون كۆارتالىندا ورنالاسقان عيماراتتىڭ جوعارى قاباتتارىنىڭ بىرىندە بولعان. وقيعا ورنىنا ءورت سوندىرۋشىلەر مەن قالالىق پوليتسيا قىزمەتكەرلەرى كەلدى. كۆارتال قورشاۋعا الىندى. جارىلىس بولعان جەردە جۇرگەن Sud Ouest جۋرناليسىنىڭ سوزىنشە، بىرنەشە عيماراتتىڭ تەرەزەسى سىنعان. جارىلىس بولعان نىساننىڭ قۇلاۋ قاۋپى بار. AFP مالىمەتىنشە، ءۇش ادام جاراقات الدى، ەكى ادام ءىز-ءتۇزسىز جوعالىپ كەتكەن.

اۆتور: بالنۇر قوجاگەلدى