15:15, 06 - اقپان 2021 | GMT +5
سەگىز اسپاپتا ەركىن وينايتىن ماڭعىستاۋلىق اۋداندىق مادەنيەت ۇيىندە قىزمەت ەتەدى - ۆيدەو
شەتپە. قازاقپارات - ماڭعىستاۋ اۋدانىنا قاراستى شەتپە اۋىلىنىڭ تۇرعىنى اقىلبەك قاباسوۆ 8 اسپاپتى ەركىن مەڭگەرگەن، دەپ حابارلايدى قازاقپارات ءتىلشىسى ماڭعىستاۋ اۋدانى اكىمدىگىنىڭ باسپا ءسوز قىزمەتىنە سىلتەمە جاساپ.
تالانتى مەن تالابى ۇشتاسقان اقىلبەك پريما، سازسىرناي، دومبىرا، شەرتەر، ساكسافون، شىڭكىلدەك، بايان سەكىلدى مۋزىكالىق اسپاپتا ەركىن وينايدى. ونىڭ ايتۋىنشا، ەكى اسپاپتى كاسىبي تۇردە، قالعانىن زامانداستارىنان ۇيرەنىپتى.
ونەرلى وتباسىدا دۇنيەگە كەلىپ، مۋزىكانى جاستايىنان تىڭداپ وسكەن. مەكتەپتى اياقتاعان سوڭ، جوعارى وقۋ ورنىندا پريما ماماندىعى بويىنشا ءبىلىمىن جەتىلدىرگەن. تالانتتى ونەرپاز اقىلبەك قاباسوۆ بۇگىندە اۋداندىق مادەنيەت ۇيىندە قىزمەت ەتەدى. ول اۋداندىق مادەنيەت ۇيىندەگى «وتپان» فولكلورلىق- حالىقتىق ۇجىمى انسامبلىنىڭ مۇشەسى جانە حالىق تەاترى مەن ۇلت- اسپاپتار وركەستىرىندەگى حوردىڭ مۇشەسى. شەت ەلدەر مەن ەلىمىزدىڭ ءار وڭىرىندە ونەر كورسەتىپ ءجۇر.
اۆتور: قاراكوز مارات
