اقمولا وبلىسىندا كامەلەتكە تولماعان قىز ىزدەستىرىلۋدە

كوكشەتاۋ. قازاقپارات - اقمولا وبلىسىندا ۇيىنەن كەتىپ قالعان كامەلەتتىك جاسقا تولماعان قىز ىزدەستىرىلىپ جاتىر، دەپ حابارلايدى قازاقپارات ءتىلشىسى وبلىستىق پ د باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، 2021 -جىلعى اقپاننىڭ 4 ىندە زەرەندى اۋداندىق پب كەزەكشىلىك بولىمىنە 35 جاستاعى جەرگىلىكتى تۇرعىن حابارلاسىپ، كامەلەتتىك جاسقا تولماعان قىزى انەل سەرىك قىزى ناكەندى ىزدەۋگە كومەك سۇرادى. ايەلدىڭ سوزىنشە، ونىڭ قىزى 2021 -جىلعى اقپاننىڭ 1 ىندە ساعات 21:30 ۇيدەن كەتىپ قالعان، سودان بەرى ونىڭ قايدا جۇرگەنى بەلگىسىز.

«انىقتالعانداي، انەل جەرگىلىكتى كوللەدجدەردىڭ بىرىندە ءبىرىنشى كۋرستا وقيدى. اناسىمەن بىرگە تۇرادى. ول 2018 -جىلدان بەرى ۇيىنەن وسىمەن 6 رەت كەتىپ قالىپ وتىر. اناسىنىڭ ايتۋىنشا، بۇل جولى بىرەۋ انەلگە قوڭىراۋ شالعان. سودان ول ۇيىنەن بەلگىسىز جاققا شىعىپ كەتكەن»، - دەدى ۆەدومستۆودان.

جوعالعان قىزدىڭ بويى 155-160 س م، دەنە ءبىتىمى جۇقالاۋ كەلگەن، شاشى قارا، بەتى سوپاق، ەرنى ورتاشا، قۇلاقتارى جابىسقان، مۇرنى تىك، ۇلكەن، كوزدەرى قوڭىر. ەرەكشە بەلگىلەر: جوعارعى ەرنىندە تىرتىعى بار.

«كامەلەتتىك جاسقا تولماعان قىز بالانىڭ تۇرعان جەرىن انىقتاۋ ماقساتىندا ءتارتىپ ساقشىلارى جەدەل- ىزدەستىرۋ ءىس- شارالارىن جۇرگىزدى، ونىڭ بارىسىندا بارلىق تانىس جانە جاقىن ادامداردان جاۋاپ الىندى. جۇرگىزىلگەن جەدەل- ىزدەستىرۋ ءىس- شارالارىنىڭ ناتيجەسىندە قىزدىڭ قازىر نۇر- سۇلتان قالاسىندا ەكەنى بەلگىلى بولدى» ، - دەپ تولىقتىردى ۆەدومستۆودان.

قازىرگى كەزدە، ءتارتىپ ساقشىلارى ونىڭ ناقتى جۇرگەن جەرىن بىلەتىن ازاماتتاردان «102» ارنايى جەلىسىنە قوڭىراۋ شالۋدى سۇرايدى.