قاراقيا اۋدانىنىڭ تۇرعىندارى بوزجىرا تۋريستىك كەشەنىنىڭ سالىنۋىن قولدايدى – ماڭعىستاۋ
بۇعان دەيىن ماڭعىستاۋ وبلىسىنىڭ قۇرىق اۋىلىندا «ۆيزيت ورتالىعى» جۇمىس جوباسىنىڭ «قورشاعان ورتاعا اسەرىن باعالاۋ» ءبولىمى بويىنشا اشىق وتىرىس نىسانىنداعى قوعامدىق تىڭداۋ وتكەنىن حابارلاعان بولاتىنبىز. ولاردىڭ پىكىرىنشە، بۇل جوبا اۋداننىڭ الەۋمەتتىك ەكونوميكالىق دامۋىنا تىڭ سەرپىن بەرەدى جانە جاڭا جۇمىس ورىندارىنىڭ اشىلۋىنا تىڭ سەرپىن بەرەدى.
«مەن قۇرىق اۋىلىنىڭ تۇرعىنىمىن. قازىر وسى اۋىلدىڭ جاستارىنىڭ اتىنان سويلەپ تۇرمىن. بىزگە بوزجىرادا تۋريستىك كەشەننىڭ سالىنۋى قاجەت. سەبەبى بۇل جوبا اۋىلىمىزداعى جۇمىسسىز جاستار ءۇشىن كەرەك. ولارعا جاقسى كومەك بولار ەدى. ەگەر جوبا حالىقتىڭ سۇراپ وتىرعانىنداي جۇزەگە اسىرىلاتىن بولسا، بۇل ۇلكەن مۇمكىندىك دەپ ويلايمىن»، - دەيدى قاراقيا اۋىلىنىڭ تۇرعىنى سەرىك جاقسىلىقوۆ.
«بوزجىرا» دەگەن بالا كەزىمىزدەن كورىپ كەلە جاتقان شاتقال. بۇگىنگى تاڭدا بۇل تاڭعاجايىپ جەر زامان اعىمىنا ساي تۋريستەردىڭ قىزىعۋشىلىعىن ارتتىرىپ وتىر. نەگە وسىنداي مۇمكىندىكتى پايدالانىپ ءبىز كەڭ بايتاق جەرىمىزدىڭ تاريحي- مادەني جەرلەرىن ءدۇيىم جۇرتقا پاش ەتپەسكە. جوبانى جۇزەگە اسىرسا جاڭا جۇمىس ورىندارى اشىلادى دەپ جاتىر. ەگەر جەرگىلىكتى تۇرعىنداردىڭ الەۋەتىن كوتەرەتىن باعىتتا جۇمىس جۇرگىزسە ءبىز بۇل جوبانى قولدايمىز»، - دەدى قۇرىق اۋىلىنىڭ اقساقالى ەرجان بەكنيازوۆ.
اۆتور: قاراكوز مارات
