كوشەدەگى «سەرگەك» كامەراسى بەت-الپەتتى تاني ما

الماتى. قازاقپارات - «سەرگەك» جوباسى جاساۋشىلاردىڭ ءبىرى قايرات احمەتوۆ كامەرالارعا قاتىستى جوسپارلارىمەن ءبولىستى، دەپ حابارلايدى قازاقپارات ءتىلشىسى.

قايرات احمەتوۆ كامەرالاردا بەت-الپەتتى تانۋ قىزمەتى ءالى جۇزەگە اسىرىلماعانىن ايتتى.

«بۇل بارلىق سمارتفوندا بار تەحنولوگيا. بۇل قاراپايىم فۋنكسيا بولعاندىقتان، جاڭاشىلدىققا جاتپايدى. بۇل جەردە ماسەلە جەكە باسقا قاتىستى جايتقا كەلىپ تىرەلەدى. سوندىقتان بۇل فۋنكسيا «سەرگەك» جوباسىندا جوق. ول تەك قوعامدىق تالقىلاۋلار مەن زاڭنىڭ اياسىندا عانا شەشىلەدى»، - دەپ جاۋاپ بەردى قايرات احمەتوۆ «Digital Almaty 2021- جاھاندىق ەكونوميكانىڭ تسيفرلىق بولاشاعى» اتتى حالىقارالىق فورۋمىندا.

سونىمەن قاتار، ول كامەرالاردىڭ كومەگىمەن قازىر قىلمىستار مەن قوعامدىق ءتارتىپتى بۇزۋ دەرەكتەرى اشىلىپ جاتقانىن دا اتاپ ءوتتى.

«سەرگەك» جول اپتتارىنىڭ ازايۋىنا دا سەپتىگىن تيگىزدى. بۇل پوليتسيا، اكىمدىك پەن پروكۋراتۋرانىڭ بىرلەسكەن جۇمىسى. «سەرگەك» كامەرالارى جولدا عانا ەمەس، سونىمەن قاتار قوعامدىق ورىنداردا دا ورناتىلعان. قازىردىڭ وزىندە نۇر- سۇلتان، الماتى، وسكەمەن، اتىراۋ قالالارىنا جۇمىس ىستەپ تۇر. الداعى ۋاقىتتا ەلىمىزدىڭ وزگە دە ايماقتارىنا قويىلادى»، - دەدى قايرات احمەتوۆ. سپيكەردىڭ ايتۋىنشا، جوباعا باسقا مەملەكەتتەردىڭ دە قىزىعۋشىلىق تانىتىپ وتىر.