12:30, 05 - اقپان 2021 | GMT +5
قازگيدرومەت دەمالىس كۇندەرى اۋا رايى كۇرت وزگەرەتىندىگىن ەسكەرتتى
نۇر-سۇلتان. قازاقپارات - قازگيدرومەت 6-8-اقپانعا ارنالعان اۋا رايى بولجامىن جاريالادى، دەپ حابارلايدى قازاقپارات.
اتلانتيكا اۋداندارىنان كەلگەن كەزەكتى بەلسەندى سيكلون قازاقستاننىڭ باسىم بولىگىنىڭ اۋا رايىن انىقتايتىن بولادى. جاۋىن - شاشىنمەن (جاڭبىر، قار)، سولتۇستىك جارتىسىندا - جاياۋ بۇرقاسىنمەن اۋا رايىنىڭ ناشارلاۋى، سونداي-اق كوكتايعاق، تۇمان بۇكىل رەسپۋبليكا بويىنشا بايقالاتىن بولادى.
كەزەڭنىڭ سوڭىنا قاراي قازاقستاننىڭ وڭتۇستىك جارتىسىنا ورتالىعى تۇرىكمەنستاننىڭ ۇستىندە ورنالاسقان انتيتسيكلون جوتاسى اسەر ەتەدى. اتموسفەرالىق پروتسەستەردىڭ تەز وزگەرۋى بۇكىل رەسپۋبليكا بويىنشا تەمپەراتۋرالىق فوننىڭ اۋىتقۋىن تۋدىرادى.
