12:00, 05 - اقپان 2021 | GMT +5
كوشەدە تانىسقان: استانادا كەلىنشەك ەر ادامدى توناپ كەتتى
نۇر-سۇلتان. قازاقپارات - ەلوردا ءدامحانالارىنىڭ بىرىندە كەلىنشەك جاڭا تانىسىن توناپ كەتكەن، دەپ حابارلايدى قازاقپارات ءتىلشىسى.
«ەلورداداعى ءدامحانالاردىڭ بىرىندە ۇرلىق جاساعان كۇدىكتى 36 جاستاعى ايەل ۇستالدى. ول كوشەدە ەر اداممەن تانىسىپ، كۇدىكتى ونىمەن بىرگە ءدامحاناعا كىرگەن. ىشىمدىك ءىشۋ بارىسىندا كۇدىكتىڭ جاڭا تانىسى ۇستەل باسىندا ۇيىقتاپ قالعان. وسى ءساتتى پايدالانعان ايەل قۇنى 50 مىڭ تەڭگە بولاتىن ونىڭ ۇيالى تەلەفونىن ۇرلاپ، بەلگىسىز باعىتقا بوي تاسالاعان»، - دەلىنگەن نۇر-سۇلتان قالالىق پوليتسيا دەپارتامەنتى تاراتقان اقپاراتتا.
ۆەدومستۆو مالىمەتىنشە، كۇدىكتى كىناسىن مويىنداپ، زاتتاي ايعاق تاركىلەندى. پوليتسيا قىزمەتكەرلەرى كۇدىكتىنىڭ ەلوردا اۋماعىندا جاسالعان ءدال وسىنداي قىلمىستارعا قاتىسىن تەكسەرىپ جاتىر. سوتقا دەيىنگى تەرگەۋ امالدارى قولعا الىنعان.
