اۋىل مەشىتتەرىندە جۇما نامازعا جينالۋعا رۇقسات بەرىلدى

نۇر-سۇلتان. قازاقپارات - «جاسىل» ايماقتاعى وڭىرلەردە مەشىتتەرگە جۇرتتىڭ جينالۋىنا رۇقسات ەتىلدى.

ق ر باس مەملەكەتتىك سانيتارلىق دارىگەرى ەرلان قياسوۆتىڭ جاڭا قاۋلىسىندا وسىنداي ەرەجە جاريالاندى، دەپ حابارلايدى قازاقپارات ءتىلشىسى.

«مەشىتتەردە تولىمدىدىعى %30 عا دەيىن، ءبىراق 100 ادامنان اسپاعان كەزدە (بەس ناماز) ۇجىمدىق قۇدايعا قۇلشىلىق ەتۋگە رۇقسات ەتىلگەن. 150 ادامعا دەيىنگى، تولىمدىلىعى %25 دان اسپايتىن مەشىتتەردە، اۋىلدى جەرلەردە عانا جۇما نامازىنا رۇقسات بەرىلەدى»، - دەلىنگەن قاۋلىدا.

ايتا كەتسەك ودان بولەك ءبىلىم بەرۋ ۇيىمدارىنداعى قوعامدىق تاماقتانۋ وبەكتىلەرىنىڭ قىزمەتىنە رۇقسات ەتىلگەن.

وسى قاۋلىنىڭ ورىندالۋىن ق ر باس مەملەكەتتىك سانيتارلىق دارىگەرى ءوزى باقىلاماق.