كارانتين جەڭىلدەدى: ق ر باس مەملەكەتتىك سانيتارلىق دارىگەرىنىڭ جاڭا قاۋلىسى شىقتى

نۇر- سۇلتان. قازاقپارات - قر باس مەملەكەتتىك سانيتارلىق دارىگەرى ەرلان قياسوۆتىڭ كارانتين شارالارىن جەڭىلدەتۋ تۋرالى جاڭا قاۋلىسى جاريالاندى، دەپ حابارلايدى قازاقپارات ءتىلشىسى.

قاۋلىنىڭ جاڭا ەرەجەلەرىنە سايكەس، ءبىلىم بەرۋ ۇيىمدارىنداعى قوعامدىق تاماقتانۋ وبەكتىلەرىنىڭ قىزمەتىنە رۇقسات ەتىلەدى. مەملەكەتتىك شەكارا ارقىلى وتكىزۋ پۋنكتتەرىنەن تەمىرجول، تەڭىز، وزەن كولىگىندە جانە اۆتوموبيل ءوتۋ جولدارىمەن كەلەتىن ادامدارعا قاتىستى ءىس- شارالاردى مىناداي تارتىپپەن جۇرگىزىلەدى:

- قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتۋ كەزىندە ولاردى ەرتىپ جۇرەتىن ادامداردا پ ت ر ادىسىمەن COVID-19-عا تەستتەن وتكەنى تۋرالى (قازاق، ورىس، اعىلشىن تىلدەرىندە) تەرىس ناتيجەسى بار انىقتاما (بۇدان ءارى - انىقتاما) بولعان كەزدە 5 جاسقا دەيىنگى بالالاردى؛

قازاقستان رەسپۋبليكاسىنىڭ ۇكىمەتتىك دەلەگاتسيالارىن؛ لوكوماتيۆ بريگادالارىنىڭ مۇشەلەرىن، قىزمەتى تەمىر جول، تەڭىز جانە وزەن كولىگىمەن تاسىمالداۋ قىزمەتىمەن بايلانىستى ادامداردى قوسپاعاندا بارلىق كەلگەن ادامدار قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتۋ ساتىندە ناتيجەسى بەرىلگەن كۇننەن باستاپ ەسەپتەگەندە 3 تاۋلىك بۇرىن بەرىلگەن انىقتامانى ۇسىنۋعا مىندەتتى؛

- قازاقستان رەسپۋبليكاسىنا تەمىر جول، تەڭىز، وزەن كولىگى جانە اۆتوموبيل ءوتۋ جولدارىمەن قازاقستان رەسپۋبليكاسىنىڭ مەملەكەتتىك شەكاراسى مەن وتكىزۋ پۋنكتتەرى ارقىلى كەلگەن ادامدارعا قاتىستى شەكتەۋ شارالارى قازاقستان رەسپۋبليكاسىنىڭ ۇكىمەتتىك دەلەگاتسيالارىن، لوكوماتيۆ بريگادالارىنىڭ مۇشەلەرىن؛

تەمىر جول كولىگىندەگى تاسىمالداۋ قىزمەتىمەن بايلانىستى ادامداردى قوسپاعاندا وسى قاۋلىعا 6 قوسىمشاعا سايكەس جۇرگىزىلەدى.