تالدىقورعاندا كارانتين رەجيمى كۇشەيتىلدى

نۇر- سۇلتان. قازاقپارات - تالدىقورعان قالاسىنىڭ باس سانيتاريالىق دارىگەرى ەرمەك ءاسىمقۇلوۆ تالدىقورعان قالاسى اۋماعىندا كارانتين رەجيمىن كۇشەيتۋ جانە كەيبىر شەكتەۋ شارالارىن ەنگىزۋ تۋرالى قاۋلى شىعاردى، دەپ حابارلايدى قازاقپارات ءتىلشىسى.

«تالدىقورعان قالاسىنىڭ اۋماعىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى جەدەل شتابتىڭ شەشىمى بويىنشا كارانتين رەجيمى جانە كەيبىر شەكتەۋ شارالارى ەنگىزىلسىن. Covid-19-دىڭ تارالۋىنا جانە ەپيدەميولوگيالىق جاعدايعا بايلانىستى كارانتين رەجيمى مەن مەرزىمدەرى وزگەرتىلۋى مۇمكىن»، - دەلىنگەن قاۋلىدا.

قاۋلىدا جازىلعانداي قاشىقتىقتاعى فورماتتا تەحنيكالىق جانە كاسىپتىك، ورتا جانە جوعارى ءبىلىم بەرەتىن مەكتەپتەر مەن ۇيىمداردا ونلاين رەجيمدە وقىتۋ مەرزىمى ۇزارتىلادى.

«65 جاستان اسقان ازاماتتار ءۇشىن كوشەگە شىعۋعا قاتاڭ تىيىم سالىنادى. ساۋدا جانە ويىن- ساۋىق ورتالىقتارى، ساۋدا نىساندارى ادام سىيىمدىلىعى %30 دان اسپايتىن، جۇمىس ۋاقىتى كۇندىزگى ساعات 10:00-دەن تۇنگى 22:00-گە دەيىن؛ جەكسەنبى كۇندەرى جۇمىس ىستەۋگە تىيىم سالىنادى»، - دەلىنگەن قۇجاتتا.

قاۋلىنىڭ تولىق نۇسقاسىن مىنا جەردەن وقۋعا بولادى.