الەمدە كوروناۆيرۋسكە قارسى ەكپە العاندار سانى اۋرۋ جۇقتىرعان ادامدار سانىنان استى

نۇر- سۇلتان. قازاقپارات - بۇكىل الەم بويىنشا جاڭا كوروناۆيرۋسقا راسى ۆاكسينا العان ادامدار سانى العاش رەت اۋرۋ جۇقتىرعاندار سانىنان اسقان. بۇل تۋرالى قازاقپارات ت ا س س اگەنتتىگىنىڭ ب ا ق- تاعى رەسمي اقپارات نەگىزىندە جۇرگىزگەن ەسەبىنە سىلتەمە جاساپ حابارلايدى.

الەمدە كەم دەگەندە 105,1 ميلليون ادامعا ەكپە سالىندى، بۇل رەتتە پاندەميا باستالعالى الەمدە شامامەن 103,9 ميلليون ادام ىندەت جۇقتىردى (سونىڭ ىشىندە 2,2 ميلليون استام ادام قايتىس بولدى.

ۆاكسينا ەڭ كوپ سالىنعان ەل - ا ق ش (33,7 ميلليون ادامعا). ەكىنشى ورىندا ۇلى بريتانيا، وندا 10,2 ميلليون ادامعا ۆاكسينا ەگىلدى. ءۇشىنشى ورىندا - يزرايل (5,05 ميلليون ادام).

تۇرعىندارى ۆاكسينا سالىنعان ەلدەر تىزىمىندە ءبىرىنشى ورىندا يزرايل (%56,86)، ەكىنشى ورىندا ب ا ءا (%38,83)، ءۇشىنشى ورىندا - سەيشەل ارالدارى (%36,25). ۇلى بريتانيا (%15,3)، باحرەين (%11,02) جانە ا ق ش (%10,3) ون پايىزدىق مەجەدەن ەندى استى.

اۆتور: زارينا تۋعانبايەۆا