قازاقستاندا جاسالعان نەتبۋك تۋرالى نە بىلەسىز

نۇر- سۇلتان. قازاقپارات - پەتروپاۆل قالاسىنداعى كيروۆ اتىنداعى زاۋىتتا نەتبۋكتار شىعارىلىپ جاتىر. وتاندىق ءونىم وقۋشىلاردىڭ قاشىقتان وقۋ فورماتىندا قولدانىلۋدا، دەپ حابارلايدى قازاقپارات ءتىلشىسى.

نەتبۋكتىڭ جيىلىگى 2 گ گ ر س بولاتىن 4 يادرولىق پروتسەسسورى بار. USB- ءى 3,1. نەتبۋك سونىمەن قاتار اۋديو/ميكروفونمەن، كارت ريدەرمەن جابدىقتالعان. Intel UHD Graphics 600 ۆيدەوكارتاسى، ودان بولەك 4,2 ستاندارتتى Bluetooth اداپتەرى بار.

نەتبۋكتىڭ جەدەل جادى 8 گ ب. Windows ® 10 Pro وپەراتسيالىق جۇيەسى ورنالاستىرىلعان. باتارەياسىنىڭ قۋاتى ساعاتىنا 40 ۆاتت. اۆتونومدى جۇمىس ۋاقىتى 10 ساعاتقا دەيىن شىدامدى. ەكرانىنىڭ دياگونالى 11,6 ديۋيم. كامەراسىنىڭ ەرەكشەلىگى - 180 گرادۋسقا بۇرىلادى. نەتبۋكتىڭ باعاسى 134 مىڭ.

وندىرۋشىلەردىڭ ايتۋىنشا، بۇل ءونىم شەتەلدىك نەتبۋكتاردان ەش كەم ەمەس. ءونىم «СТ-KZ» سەرتيفيكاتىنا يە. بۇل نەتبۋكتى شىعاراتىن زاۋىت قاجەتتى قۇرال- جابدىقتاردىڭ 40 پايىزىن قازاقستاننىڭ ءوز ىشىنەن جينايدى. قازىرگى ۋاقىتتا بۇل كومپيۋتەرلەر وتاندىق ءبىلىم بەرۋ مەكەمەلەرىندە قولدانىستا بار. الداعى جىلدارى وندىرۋشىلەر قازاقستاندىق نوۋتبۋكتار مەن نەتبۋكتاردى شەت ەلدەرگە ەكسپورتتاۋدى كوزدەپ وتىر. نەتبۋكتىڭ سيپاتتاماسىن مىنا ۆيدەودان بىلۋگە بولادى.

اۆتور: ايان بەكەن ۇلى